دہلی کی وزیر اعلیٰ آتشی کے خلاف انتخابی ضابطہ کی خلاف ورزی کا معاملہ درج کر لیا گیا ہے۔ اس پر برہمی کا اظہار کرتے ہوئےکیجریوال نے کہا کہ اب حکام کا موقف واضح ہو چکا ۔

 دہلی پولیس نے وزیر اعلیٰ اور کالکاجی سے عام آدمی پارٹی کی امیدوار آتشی کے خلاف انتخابی ضابطہ اخلاق کی خلاف ورزی، اور سرکاری ملازم کے کام میں اخنہ اندازی کے الزام میں ایف آئی آر درج کرلی ہے۔ ایک پولیس افسر کے مطابق، گووند پوری پولیس اسٹیشن میں ایف آئی آر درج کی گئی اور تحقیقات جاری ہے۔
پولیس نے کہا کہ آتش سنگھ فتح مارگ پر۵۰؍ سے ۷۰؍ حامیوں اور ۱۰؍ گاڑیوں کے ساتھ انتخابی ضابطہ اخلاق کے رہنما خطوط کی خلاف ورزی کرنے کی مرتکب پائی گئیں۔ علاقہ خالی کرنے کی ہدایات کے باوجود، آتشی اور ان کے حامیوں نے مبینہ طور پر ایک افسر کو اپنے فرائض کی انجام دہی سے روکا۔

یہ بھی پڑھئے: دہلی میں انتخابی مہم ختم، کل پولنگ، تمام پارٹیوں نے پوری طاقت جھونکی

اس واقعہ پر اپنے رد عمل کا اظہار کرتے ہوئے آتشی نے سوشل میڈیا پلیٹ فارم ایکس پر ایک پوسٹ میں الیکشن کمیشن کو بی جے پی امیدواروں کے خلاف کارروائی نہ کرنے پر تنقید کا نشانہ بنایا۔