دہلی اور اطراف کے علاقوں مین شدید طوفان کی وجہ سے اندراگاندھی انٹرنیشنل ایئرپورٹ (آئی جی)میں متعدد پروازیں متاثر ہوئی ہیں۔ چند طیاروں کے رخ تبدیل ہونے کے سبب مسافروں کو پریشانی اٹھانی پڑی۔

دہلی اور اطراف کے علاقے شدیدطوفان کی زدمیں آگئے جس کی وجہ سے اندراگاندی انٹرنیشنل ایئرپورٹ (آئی جی) پر پروازیں بھی متاثر ہوئی ہیں ۔ پروازوں میں تاخیر کی وجہ سے سیکڑوں کو پریشانی اٹھانی پڑی۔ رپورٹس کے مطابق ’’سنیچرکی صبح اندراگاندھی انٹرنیشنل ایئرپورٹ سے ۵۰؍ سے زائد پروازوں میں تاخیر ہوئی۔ ۲۵؍ سے زائد طیاروں کے رخ تبدیل کردیئے گئے تھے جبکہ دھول کے طوفان کی وجہ سے ۷؍ پروازیں منسوخ کی گئی تھیں۔‘‘

Delhi NCR is under a heavy dust storm! Visuals from Gurgaon — very intense dust storm hits Gurugram. Stay safe everyone! pic.twitter.com/IqGVen4kLb

— The Curious Quill (@PleasingRj) April 11, 2025

حکام نے کہا ہے کہ ’’دھول کے طوفان کی وجہ سے بہت سے طیاروں کے رخ تبدیل کئے گئے ہیں اور متعدد پروازیں منسوخ کی گئی ہیں جس کی وجہ سے مسافروں کو دہلی ایئرپورٹ پر انتظار کرنا پڑا۔ جن طیاروں کے رخ تبدیل کئے گئے تھے انہیں دہلی پہنچنے میں وقت لگا جس کی وجہ سے ایئرپورٹ پر مسافروں کی بھیڑ جمع ہوگئی۔‘‘ پروازوں میں تاخیر اور پروازیں منسوخ ہونے کی وجہ سے مسافروں سوشل میڈیا پر شکایتوں کا انبار تھا جن میں مسافروں نے ایئرلائنس پر بدانتظامی کا الزام عائد کیا جس کی وجہ سے ان کا سفرمتاثر ہوا۔‘‘

@airindia @MoCA_GoI @JM_Scindia Most mismanaged, misinformed world class international airport, New Delhi.#INDIRAGandhi.. worse than Bus Stand . pic.twitter.com/uDQilWIfxq

— Ärvind Lal (@lalarvi) April 12, 2025

چند مسافروں نے ایئرلائنس کے عملے پر مبینہ بدانتظامی کا الزام عائد کیا جبکہ متعدد مسافروں نے دہلی ایئرپورٹ کے بورڈنگ گیٹ پر بھیڑکی تصاویر سوشل میڈیا پر شیئر کیں۔ ایکس پر ایئر انڈیا اور منسٹری آف سیول ایوی ایشن کو ٹیگ کرتے ہوئے ایک صارف نے لکھا ہے کہ ’’ورلڈ کلاس انٹرنیشنل ایئرپورٹ نئی دہلی پربدانتظامی ۔یہاںبس اسٹینڈ سے بھی زیادہ خراب بدانتظامی ہے۔‘‘ جس کے جواب میں ایئر انڈیا نے اپنے پوسٹ میں لکھا کہ ’’ ڈیئر مسٹر لال، ہم آپ کو سن سکتے ہیں۔ تاہم، براہ کرم یہ جان لیں کہ خراب موسم کی وجہ سے پروازیں متاثر ہوئی ہیں۔ ہمارا عملہ مسافروں کی مددکرنے کی ہر ممکن کوشش کررہا ہے۔‘‘

یہ بھی پڑھئے: امریکہ کے ۱۴۵؍ فیصد کے جواب میں چین کا ۱۲۵؍ فیصد کا جھٹکا

چند رپورٹس میں یہ دعویٰ کیا گیا ہے کہ طیاروں میں تاخیر اور چند طیاروں کے رخ تبدیل کرنے کی وجہ سے جمعہ کی دیر رات اور سنیچر کی صبح بورڈنگ گیٹ پر مسافروں کی بھیڑ تھی۔‘‘