گزشتہ دن ایتھوپیا کے گوفا زون نامی علاقے میں تیز بارش کے سبب مٹی کے تودے گرنے سے کئی افراد اس کی زد میں آگئے ہیں۔ یہاں ہلاکتوں کی تعداد ۵۵؍ سے بڑھ کر ۱۴۶؍ ہوگئی ہے۔ امدادی کارکنان لوگوں کو محفوظ مقامات پر پہنچا رہے ہیں نیز مٹی میں دبے لوگوں کو نکالنے کا کام بھی جاری ہے۔

مقامی حکام کے مطابق ایتھوپیا کے ایک دور افتادہ حصے میں مٹی کے تودے گرنے سے کم از کم ۱۴۶؍ افراد ہلاک ہو گئے ہیں۔ ایک مقامی منتظم دگماوی آئیلے نے بتایا کہ جنوبی ایتھوپیا کے کینچو شاچا گوزدی ضلع میں مٹی کے تودے گرنے کے متاثرین میں چھوٹے بچے اور حاملہ خواتین بھی شامل ہیں۔

یہ بھی پڑھئے: امریکہ میں صدارتی امیدوار کی دوڑ دلچسپ مرحلے میں

گوفا زون کمیونیکیشن آفس کے سربراہ کاساہون ابینیہ نے بتایا کہ اس حادثے میں مہلوکین کی تعداد ۵۵؍ سے بڑھ کر ۱۴۶؍ ہوگئی ہے۔ علاقے میں تلاشی کی کارروائیاں جاری رہیں۔ واضح رہے کہ گوفا زون انتظامی علاقہ ہے جہاں مٹی کے تودے گرے۔

A government official in #Ethiopia’s #Gofa District said rescuers searching for victims of landslide got trapped themselves, pushing up the death toll which was still growing as of Monday. pic.twitter.com/CiqnenaBBJ

— China Daily (@ChinaDaily) July 23, 2024

امدادی کارکنان تیزی سے متاثرین کو محفوظ مقامات تک پہنچانے کی کوشش کررہے ہیں۔ تودے کے نیچے سے کم از کم ۵؍ افراد کو زندہ نکالا گیا ہے۔ متاثرین میں ایسے بچے بھی ہیں جن کے پورے خاندان ختم ہوگئے ہیں۔ واضح رہے کہ ایتھوپیا میں بارش کی وجہ سے لینڈ سلائیڈنگ عام ہے۔ یہاں موسم باراں جولائی تا ستمبر رہتا ہے۔