شدید زخمی ہونے والی خاتون جائے حادثہ پر ہلاک، ۷؍ افراد زخمی، جن میںدو کی حالت نازک بتائی گئی۔

یہاں کے کھَڑکی علاقے میں ایک بھیانک سڑک حادثہ پیش آیا ہے۔ مہاراشٹر اسٹیٹ روڈ ٹرانسپورٹ کی بس ایک کار اور موٹر سائیکل سے ٹکراگئی ہے۔ اس حادثے میں ایک خاتون ہلاک جبکہ ۶؍افراد زخمی ہوئے ہیں۔ سکال کی رپورٹ کے مطابق یہ حادثہ اولڈ ممبئی پونے ہائی وے پر کھڑکی کی حدود میں  بوپوڑی کے پاس پیش آیا ہے۔ اتوار کی صبح نوبجے یہاں ایک تیزرفتار ایس ٹی بس، کار سے ٹکرائی ہے۔ جس وقت یہ حادثہ ہوا، بس میں ۱۲؍ مسافر موجود تھے۔ جبکہ کار میں  ۷؍افرادسوار تھے۔ حادثے میں کار میں سوار ایک خاتون شدید زخمی ہوئی اور اس نے جائے حادثہ پر ہی دم توڑدیا ہے۔ بقیہ ۷؍ زخمی افراد اسپتال میں زیرعلاج ہیں۔ 

یہ بھی پڑھئے:نیپال حادثہ: مزید۳؍ افراد ہلاک، جلگاؤں کے۲۵؍مہلوکین کی لاشیں بذریعہ خصوصی طیارہ لائی گئیں

رپورٹ کے مطابق بس میں  سوار ۱۶؍افراد معمولی طور پر زخمی ہوئے ہیں۔ حادثہ کا سبب یہ بتایا گیا کہ بس، ڈرائیور کے قابو کے باہر سے ہوگئی تھی۔ حادثے کی اطلاع پولیس کو دینے کے بعد مقامی افراد نے زخمیوں  کو اسپتال پہنچایا۔ مہلوک خاتون کی لاش پوسٹ مارٹم کیلئے سسون اسپتال بھیج دی گئی ہے۔ تصادم میں  بس کے اگلے کو کافی نقصان پہنچا ہے جبکہ آدھی کار چکنا چُور ہوگئی ہے۔ 
 انڈین ایکسپریس کی رپورٹ کے مطابق ڈپٹی پولیس کمشنرزون ۴؍ ہمت جادھو نے بتایا کہ ’’ایم ایس آرٹی سی بس کار اور موٹر سائیکل سے ٹکرائی ہے۔ جس میں  ایک خاتون ہلاک اور ۸؍افراد زخمی ہوئے ہیں۔ ان میں سے دو افراد کی حالت نازک ہے۔ مقامی پولیس حادثےکی جانچ کررہی ہے۔