جنوبی فرانس کے دو ساحلی قصبوں میں آگ لگنے کے دو واقعات پیش آئے جس کے بعد انتظامیہ نے ہزاروں افراد کو محفوظ مقامات پر منتقل کیا۔ ان حادثات میں کوئی جانی نقصان نہیں ہوا ہے۔

اتوار کو جنوبی فرانس کے جنگلات میں آگ لگنے کے دو واقعات پیش آئے جس کے بعد انتظامیہ نے فوری ایکشن لیتے ہوئے جائے واردات کے قریبی علاقوں سے ہزاروں افراد کو محفوظ مقامات پر منتقل کیا گیا۔ سرکاری افسران نے پیر کو بتایا کہ آگ پر قابو پالیا گیا ہے۔ راحتی ٹیم نے ایک بیان میں کہا ہے کہ پرپگنان شہر کے قریب کینٹ این روسلین نامی ساحلی قصبہ میں ایک سیاحتی کیمپنگ کے مقام پر آگ لگ گئی تھی جس کے بعد تقریباً ۳۰۰۰ سیاحوں، جو تعطیلات منانے آئے ہوئے تھے، کو کیمپنگ کے مقام سے سرکاری عمارت میں منتقل کیا گیا۔

یمن: بچوں میں ناقص تغذیہ کی شرح میں گزشتہ سال کے مقابلے ۳۴؍ فیصد اضافہ: یو این

بیان کے مطابق، کئی مقامات پر آگ لگنے کا خدشہ برقرار ہے اس لئے وہاں آگ بجھانے والے دستوں کو تعینات کردیا گیا ہے۔ اتوار کو پیش آئے اس واقعہ کے بعد تقریباً ۶۰۰ آگ بجھانے والے فائر فائٹرز جائے واردات پر پہنچے جن میں سے نصف سے زائد وہاں پورا دن مصروف رہے۔ اسپینی سرحد کے قریب مونٹ پیلئر کے اے ۔۹؍ ہائی وے کے قریب پیش آئے حادثہ میں ۳۰۰ ؍ہیکٹرز (۷۴۰ ؍ایکڑ) زمین کو نقصان پہنچا ہے۔