غزہ میں اسرائیلی جارحیت کے نتیجے میں جنوبی غزہ کے المواسی کیمپ کے ٹک ٹاکر محمد حلیمی عرف ’’میڈو‘‘ جاں بحق ہوگئے ہیں۔ وہ جنگ کے دوران دنیا کا فلسطین کے حالات سے آگاہ کرنے کیلئے ویڈیوز بنا کر ٹک ٹاک پر اپلوڈ کرتے تھے۔ ٹک ٹاک پر ان کے ۲؍ ملین سے زائد صارفین تھے۔

غزہ کے ۱۹؍ سالہ ٹک ٹاکر محمد حلیمی عرف میڈو اسرائیلی حملے میں جاں بحق ہوگئے ہیں۔ محمد حلیمی ٹک ٹاک پر اپنے ’’ٹینٹ لائف‘‘ ویڈیو کیلئے دنیا بھر میں مشہور تھے جس میں وہ جنوبی غزہ کے المواسی کیمپ میں اپنی روزمرہ کی زندگی پر ویڈیوز بناتے تھے۔
ان کا یہ جملہ کافی مشہور ہوا جو انہوں نے متعدد ویڈیوز میں کہا تھا ’’کیا آپ دیکھنا چاہتے ہیں کہ خیمے میں زندگی کس طرح گزاری جاتی ہے، میرے ساتھ آیئے میں آپ کو بتاتا ہوں کہ میں اپنا دن کیسے گزارتا ہوں۔‘‘ 

Medo Halimy was killed yesterday. he was one of my favourite content creators from Palestine living in gaza. he went into a cafe looking for internet access. Israel bombed the cafe which took away his life along with many precious others. my heart feels heavy. i have no words. pic.twitter.com/u0v3RAgnSg

— mehnaz◟๑. (@hyofarie) August 31, 2024

ان کے ٹک ٹاک پر ۲؍ ملین سے زائد صارفین تھے۔ پیر کو وہ اپنے دوست اور شریک کار طلال مراد سے ملاقات کیلئے مقامی انٹرنیٹ کیفے گئے تھے۔ اپنی موت کے دن تک انہوں نے ٹک ٹاک پر ویڈیو بنائی اور صارفین کو جنگ کے دوران غزہ کے حالات سے آگاہ کیا تھا۔ اس ضمن میں ان کے دوست مراد (۱۸؍)، جو اسی حملے میں زخمی ہوئے ہیں، نے کہا کہ ان کا یہ کام اسرائیل کے خلاف ایک طرح کی مزاحمت تھی۔

یہ بھی پڑھئے: ایپل اے آئی کے شعبے میں لیڈر بننے کیلئے اوپن اے آئی میں فنڈنگ بڑھا رہا ہے

مراد نے انسٹاگرام پر اپنی پوسٹ میں لکھا ہے کہ وہ اپنے دوستوں کے ساتھ تھے۔ اگلے ہی لمحے تیز روشنی آئی اور پھر ایک دھماکہ ہوا۔ اسرائیلی حملے میں ان کے دوست محمد حلیمی ہلاک ہوگئے جبکہ وہ زخمی ہوئے ہیں۔

انہوں نے اپنے دوست کو یاد کرتے ہوئے لکھا ہے کہ ’’ہم تمام چیزیں ایک ساتھ کرتے تھے، ہم ایک ساتھ مسکراتے تھے، ایک ساتھ روتے تھے، کئی گھنٹے ایک ساتھ گھومتے پھرتے تھے، ہم نے ایک ساتھ بزنس کیا لیکن افسوس کی بات ہے کہ ہم ایک ساتھ مر نہیں سکے۔‘‘ 

میڈو اپنے ویڈیوز کے ذریعے صارفین کو جنگ زدہ غزہ کے حالات سے باخبر کرتے تھے۔ تصویر: ایکس 

میڈو (محمد حلیمی) کی بہن رہاف حلیمی نے انسٹاگرام پر اپنے پیغام میں لکھا کہ ’’جو بھی میڈو کو جانتا، اسے پسند کرتا۔ اس نے سب پر اپنے اچھے تاثرات چھوڑے ہیں۔ وہ اپنے خوابوں کے ساتھ پرمقصد تھا۔ وہ بہت محنت کرتا تھا۔ اس نے کئی نوجوان ٹیموں کی قیادت کی تھی۔ دنیا بھر میں اس کے کئی دوست تھے۔ میڈو کی موت کا سب کو افسوس ہے۔‘‘