چلی نے عالمی عدالت میں جنوبی افریقہ کی جانب سے اسرائیل کے خلاف نسل کشی کے کیس میں شامل ہونے کا اعلان کیا ہے۔عالمی عدالت نے اسرائیل اور جنوبی افریقہ کو چلی کے اقدام کے تعلق سے اپنے تحریری مشاہدات داخل کرنے کا حکم دیا ہے۔

چلی نے جنوبی افریقہ کے اسرائیل کے خلاف نسل کشی کے کیس میں شامل ہونے کا اعلان کیا ہے۔ چلی کی شمولیت عالمی قوانین کےآرٹیکل ۶۳؍ کے تحت جمع کرائی گئی ہے۔ چلی نے اپنے اعلان میں نسل کشی کے کنونشن کے تحت دیئے گئے آرٹیکلس کی تاویلات کی اہمیت پر زور دیا ہے۔

PRESS RELEASE: #Chile, invoking Article 63 of the #ICJ Statute, filed a declaration of intervention in the case concerning Application of the Convention on the Prevention and Punishment of the Crime of Genocide in the Gaza Strip (#SouthAfrica v. #Israel) https://t.co/RZrdodMcoC pic.twitter.com/7MXETCqh7C

— CIJ_ICJ (@CIJ_ICJ) September 13, 2024

چلی کی شمولیت کے بعد عالمی عدالت نے جنوبی افریقہ اوراسرائیل کو اپنے تحریری مشاہدات جمع کرنے کیلئے مدعو کیا ہے۔ 

یہ بھی پڑھئے: اگست میں ریٹیل مہنگائی میں اضافہ

یاد رہے کہ گزشتہ سال جنوبی افریقہ نے عالمی عدالت میں اسرائیل کے خلاف غزہ پٹی میں نسل کشی کے کنونشن کی خلاف ورزی کرنے کا کیس درج کیا تھا۔ متعدد ممالک جیسے نکارگوا، کولمبیا، لیبیا، میکسیکو، فلسطین ، اسپین اور ترکی نے جنوبی افریقہ کےاس کیس میں شمولیت اختیار کی ہے۔ خیال رہے کہ اسرائیل حماس جنگ کو ایک سال مکمل ہونے والے ہیں۔ اس درمیان اسرائیلی جارحیت کے نتیجے میں ۴۱؍ ہزار سے زائد فلسطینی اپنی جانیں گنوا چکے ہیں جبکہ ۹۴؍ ہزار سے زائد زخمی ہوئے ہیں۔