کمیٹی ٹو پروٹیکٹ جرنلسٹ، ۷؍ حقوق انسانی اور میڈیا اداروں نے مشترکہ طورپر امریکی صدر جوبائیڈن کو ایک خط لکھا ہے جس میں انہوں نے لکھا ہے کہ وہ اسرائیلی وزیر اعظم بنجامن نیتن یاہو کو غزہ پٹی میں بڑے پیمانے پر صحافیوں کے قتل کو روکنے اور بین الاقوامی میڈیا کے داخلے پر مکمل پابندی ہٹانے کیلئے دباؤ ڈالنے کی اپیل کی ہے۔

کمیٹی ٹو پروٹیکٹ جرنلسٹ، ۷؍ حقوق انسانی اور میڈیا اداروں نے مشترکہ طورپر امریکی صدر جوبائیڈن کو ایک خط لکھا ہے جس میں انہوں نے لکھا ہے کہ  وہ اسرائیلی وزیر اعظم بنجامن نیتن یاہو کو غزہ پٹی میں بڑے پیمانے پر صحافیوں کے قتل کو روکنے اور بین الاقوامی میڈیا کے داخلے پر مکمل پابندی کو ہٹانے کیلئے دباؤ ڈالنے کی اپیل کی ہے۔

CPJ urges Israeli Prime Minister Benjamin Netanyahu to:

- Grant international media access to #Gaza,
- Release arbitrarily held journalists,
- Investigate killings of journalists, and
- Revoke laws that temporarily ban foreign media outlets.

Watch now: pic.twitter.com/NXIHNdvCd3

— Committee to Protect Journalists (@pressfreedom) July 23, 2024

اس خط میں واشنگٹن سے مطالبہ کیا گیا ہے کہ وہ اس بات کی یقین دہانی کروائے کہ اسرائیل غزہ میں صحافیوں کے قتل کو بند کرے، غزہ پٹی میں فوری اور آزادنہ طور پر عالمی میڈیا کو داخل ہونے کی اجازت دی جائےاور فوری طور پر ایسے اقدامات کئے جائیں جن کے ذریعے اسرائیل اور مقبوضہ کناروں میں پریس کوبلا روک ٹوک اور آزادنہ طور پر رپورٹنگ کی اجازت ہو۔ 

یہ بھی پڑھئے: ایم پی: ریاستی حکومت ایس ٹی ایس سی فنڈز گائے اور مذہبی مقامات پر خرچ کررہی ہے

اس خط پر ایمنسٹی انٹرنیشنل امریکہ، فریڈم آف دی پریس فاؤنڈیشن، نائٹ فرسٹ امانڈمینٹ انسٹی ٹیوٹ ، نیشنل پریس کلب، پین امریکہ، رپورٹرس وتھ آؤٹ بارڈرز اور تاہریر انسٹی ٹیوٹ آف مڈل ایسٹ پالیسی نے دستخط کئے ہیں۔ خیال رہے کہ بنجامن نیتن یاہو امریکہ پہنچ چکے ہیں اور وہ آج امریکی کانگریس کے مشترکہ سیشن میں شامل ہوں گے۔ خیال رہے کہ ۷؍ اکتوبر۲۰۲۳ء سے اب تک اسرائیلی حکومت کی کارروائیوں کی وجہ سے غزہ پٹی میں تباہ کن حالات ہیں۔

The loss of local journalists and almost total ban on media from outside Gaza leaves a vacuum for propaganda, mis- and disinformation. Facts are easily evaded, and truth withers.

Prime Minister Netanyahu: grant international media access to #Gaza. #PressFreedom pic.twitter.com/syOZBWZhRz

— Committee to Protect Journalists (@pressfreedom) July 24, 2024

خط میں اداروں نے اسرائیل کو ’’سینسرشپ نافذ کرنے والی حکومت ‘‘ قراردیا ہے۔ اس ضمن میں گزشتہ ہفتے سی پی جے کے سی ای او جوڈی گنس برگ نے نیتن یاہو کو ویڈیوپیغام میں کہا تھا کہ ’’غزہ جنگ کو ۹؍ ماہ ہو گئے ہیں اور اس درمیان صحافیوں کے قتل میں اضافہ ہوا ہے۔اب تک ۱۰۰؍ سے زائد صحافی ہلاک ہوچکے ہیں۔ بڑے پیمانے پر صحافیوں اور میڈیا کے نمائندوں کو حراست میں لیا گیا ہے اور اکثر انہیں بغیر کسی الزام کے قید کیاگیا ہے۔ ان کے ساتھ برا سلوک کیا جا رہا ہے اور انہیں ٹارچر کیا جا رہا ہے۔‘‘ 

یہ بھی پڑھئے: نیپال: کھٹمنڈو ایئرپورٹ پر ہوائی جہاز حادثہ، ۱۸؍ افراد ہلاک

یاد رہے کہ امریکہ کے ۲؍صحافی بھی اسرائیلی جارحیت کا نشانہ بنے تھے جن میں شیرین ابوعاقلہ، جنہیں ۲۰۲۲ء میں قتل کیاگیا تھا اور ڈائیلان کولینس،جو ۱۳؍اکتوبر کو جنوبی لبنان میں اسرائیلی حملے کے نتیجے میں زخمی ہوئے تھے، شامل ہیں۔ اس حملے میں رائٹرز کے فوٹوگرافر ایاسام عبداللہ ہلاک ہوئے تھے جبکہ دیگر زخمی ہوئے تھے۔ سی پی جے نے امریکی صدر جوبائیڈن سے مطالبہ کیا ہے کہ وہ نیتن یاہو کے ساتھ اپنی میٹنگ میں یہ یقین دہانی کروائیںکہ اسرائیلی حکومت صحافیوں کی حفاظت کیلئے مندرجہ ذیل اقدامات کرے:
۱) اسرائیلی حکومت غزہ میں آزادنہ طور پر داخل ہونے کیلئے فلسطینی، اسرائیلی ، اور عالمی صحافیوں پر لگائی گئی پابندیوں کو ہٹائے۔
۲) وہ قانون، جو حکومت کو بیرون ملکی آؤٹ لیٹس بند کرنے کی اجازت دیتا ہے اور میڈیا کےآپریشن میں قانونی اور باقاعدہ طور پر قطع برید کرنے سے میڈیا کو روکتا ہے، کو ختم کیا جائے۔ 
۳) انتظامی تحویل میں رکھے گئے ، بغیر الزام کے حراست میں لئے گئے اور زبردستی غائب کئے گئے صحافیوں کی رہائی کو یقینی بنایا جائے۔ 
۴) بلا تفریق اور جان بوجھ کر صحافیوں کے قتل کو روکا جائے۔
۵) صحافیوں کی حفاظت کو یقینی بنایا جائے اور غزہ پٹی اور مغربی کنارے پر رپورٹرز کیلئے حفاظتی اور خبریں جمع کرنے کیلئے استعمال کئے جانے والے آلات کی فراہمی کو یقینی بنایا جائے۔ 

CPJ urges Israeli Prime Minister Benjamin Netanyahu to grant international media access to #Gaza, release arbitrarily held journalists, investigate killings of journalists, and revoke laws that temporarily ban foreign media outlets.

No credible democracy engages in what is, in… pic.twitter.com/TxPrQUChZ5

— Committee to Protect Journalists (@pressfreedom) July 17, 2024

۶) جو صحافی غزہ سے انخلاء کرنا چاہتے ہیں انہیں انخلاء کی اجازت دی جائے۔ 
۷) بین الاقوامی تفتیش کاروںاورحقوق انسانی کے اداروں، جن میں اقوام متحدہ(یو این) کے خاص نمائندے بھی شامل ہیں اور مقبوضہ فلسطینی اوراسرائیلی علاقوں میں یو این انڈیپنڈینٹ انٹرنیشنل کمیشن آف انکوائری کے کارکنان کو بلا روک ٹوک اسرائیل اور مقبوضہ علاقوں میں بین الاقوامی قوانین کی مشکوک خلاف ورزی کی تفتیش کیلئے داخلے کی اجازت دی جائے۔