دی کمیٹی ٹو پروٹیکٹ جرنسلٹ (سی پی جے) نے خبررساں ایجنسی رائٹرز کے صحافی عصام عبداللہ کے قتل کے ایک سال بعد اسرائیل کے کسی کو جوابدہ نہ ٹھہرانے اور جنوبی لبنان میں دیگر ۶؍ صحافیوں کو جنگ کے دوران زخمی کرنے کیلئے اسرائیل کی مذمت کی ہے۔ سی پی جے کے سی ای او جودی گنسبرگ نے اپنے بیان میں کہا ہے کہ ’’ جنگی جرم کے وسیع ثبوت کے باوجود اسرائیل کو صحافیوں کو نشانہ بنانے کیلئے جوابدہ نہیں ٹھہرایا گیا تھا۔‘‘

دی کمیٹی ٹو پروٹیکٹ جرنسلٹ (سی پی جے) نے خبررساں ایجنسی رائٹرز کے صحافی عصام عبداللہ کے قتل کے ایک سال بعد اسرائیل کے کسی کو جوابدہ نہ ٹھہرانے اور جنوبی لبنان میں دیگر ۶؍ صحافیوں کو جنگ کے دوران زخمی کرنے کیلئے اسرائیل کی مذمت کی ہے۔ جمعرات کو سی پی جے کی جانب سے جاری کی گئی رپورٹ میں کہا گیا ہے کہ ’’اسرائیل نے ۱۳؍ اکتوبر کے حملے کی ابتدائی تفتیش بھی مکمل نہیں کی ہے۔یونائیٹیڈ نیشنس فورس ان لبنان (یو این آئی ایف آئی ایل)، ایمنسٹی انٹرنیشنل اینڈ ہیومن رائٹس واچ اور دیگر اداروں کی رپورٹ میں انکشاف کیا گیا ہے کہ اسرائیلی ٹینکوں نے منظم طریقے سے ۷؍ صحافیوںکے گروپ پر منظم طریقے سے گولے داغے تھے۔‘‘

A year since the October 13 Israeli attack that killed Issam Abdallah and injured 6 other journalists in southern Lebanon, there is still no accountability despite strong evidence of a war crime. Israel still has not confirmed if it has even completed a preliminary investigation… pic.twitter.com/WD1bJeGFHX

— Committee to Protect Journalists (@pressfreedom) October 10, 2024

سی پی جے کے سی ای او جودی گنسبرگ نے اپنے بیان میں کہا ہے کہ ’’ جنگی جرم کے وسیع ثبوت کے باوجود اسرائیل کو صحافیوں کو نشانہ بنانے کیلئے جوابدہ نہیں ٹھہرایا گیا تھا۔ گزشتہ دو دہائیوں سے اسرائیل صحافیوں کو نشانہ بنا رہا ہے لیکن اسے جوابدہ نہیں ٹھہرایا جاتا ۔ ایسا لگتا ہے کہ اسرائیلی فوج کو صحافیوں کو قتل کرنے کا لائسنس مل گیاہے۔‘‘

Israel is flouting international law by killing journalists. The EU must hold Israel to account. @JosepBorrellF and @vonderleyen must act. https://t.co/tWRunDhyLj

— Committee to Protect Journalists (@pressfreedom) October 11, 2024

اسرائیلی فوج نے، سی پی جے کو بھیجے جانے والے اپنے ای میل میں یہ دعویٰ کیا تھا کہ اسرائیلی فوج کی جانب سے داغے جانے والے گولے مشکوک ’’دہشت گردوں کی دراندازی‘‘ کے بدلے میں داغے گئے تھے اور اس معاملے کی تفتیش کی جا رہی ہے۔‘‘

یہ بھی پڑھئے: ہندوستان بلیو لائن پر بڑھتی کشیدگی سے فکر مند ہے: مرکزی امور خارجہ

اسرائیل نے منظم طریقے سے صحافیوں کو نشانہ بنایاتھا: ڈائیلان کولنس
سی پی جے نے اپنی تحقیقات میں خبر رساں ایجنسی اے ایف پی کے ویڈیو جرنلسٹ ڈائیلان کولنس کے بیان کا بھی حوالہ دیا ہے جواس حملے میں زخمی ہوئے تھے۔ویڈیو میں کولنس نے اس لمحے کو بیان کیا ہے جب صحافیوںکے گروپ کو اسرائیل کے ٹینک فائر نے نشانہ بنایا تھا۔

یہ بھی پڑھئے: ہندوستان بلیو لائن پر بڑھتی کشیدگی سے فکر مند ہے: مرکزی امور خارجہ

انہوں نے بتایا کہ ’’دوسرے حملے میں، پہلے حملے کے ۳۷؍ سیکنڈ بعد، اے ایف پی کے فوٹوگرافر کرکرسٹینا اسی کو زندگی بدل دینے والے زخم آئے تھے۔ انہوں نے اپنا ایک پاؤںکھو دیا تھا۔‘‘ کولنس نے ویڈیو میں کہا ہے کہ ’’اسرائیلی فوجی جانتے تھے کہ ہم وہاں موجود ہیں۔ ہم نے یہ سوچا تھا کہ انہوں نے ہمیں دیکھ لیا ہے اور ہم اب محفوظ ہیں۔‘‘

رائٹرز کے شہید صحافی عصام عبداللہ۔ تصویر: ایکس

سی پی جے کے مطابق۷؍ اکتوبر ۲۰۲۳ء سے اب تک اسرائیل کے حملوں کے نتیجے میں تقریباً ۱۲۸؍ صحافی ہلاک جبکہ متعدد زخمی ہوئے ہیں۔ مہلوک صحافیوں میں زیادہ تعداد فلسطینی صحافیوں کی ہے۔یاد رہے کہ اسرائیلی جارحیت کے نتیجے میں اب تک غزہ میں ۴۲؍ ہزار سے زائد فلسطینی شہید جبکہ ۹۷؍ ہزار سے زائد زخمی ہوئے ہیں۔ صہیونی مظالم نے غزہ کے ۶۰؍فیصد سے زائد انفراسٹرکچر کو ملبے میں تبدیل کر دیا ہے۔ غزہ کی آدھی سے زائد آبادی بے گھر ہوگئی ہے۔