اسرائیل کی بدنام زمانہ جیل میں ۲۵؍ سال گزارنے کے بعد فلسطینی قیدی اشرف نوفیل رہا ہوگئے ہیں۔ انہیں اس وقت حراست میں لیا گیاتھا جب ان کا بیٹا چھوٹا تھا۔ اب ان کا بیٹاجوان ہوگیا ہے۔اشرف نوفیل نے کہا ’’اسرائیلی جیلوں میں فلسطینی جن مظالم کا سامنا کر رہے ہیں انہیں لفظوں میں بیان کرناممکن نہیں۔‘‘

اسرائیل کی بدنام زمانہ جیل میں ۲۵؍ سال کا مشکل عرصہ گزارنے کے بعد فلسطینی قیدی اشرف نوفیل کو بالآخر رہا کر دیا گیا ہے اور انہوں نے حراست کے بعد پہلی مرتبہ اپنے بیٹے کو گلے لگایا۔ اشرف نوفیل، جو مغربی کنارے میں مغربی نابلس کے دیر شرف میں رہتےہیں، کو اسرائیل اور حماس کے درمیان جنگ بندی اور یرغمالوں کی رہائی کے معاہدے کے تیسرے معاہدے کے تحت رہا کیا گیا ہے۔

یہ بھی پڑھئے: غزہ : کھنڈرات کے درمیان چوہے، کتے اور بوسیدہ کپڑے

اشرف نوفیل کو جب حراست میں لیا گیا تھا تب ان کا بیٹا چھوٹاتھا۔تب سے لے کر اب وہ اپنے بیٹے سے دوبارہ ملے ہیں اور آج ان کا بیٹا جوان ہوگیا ہے۔ انہوں نے اتنے برسوں کے بعد اپنے بیٹے کو پہلی مرتبہ گلے لگاتے ہوئے کہا کہ ’’اس احساس کو بیان نہیں کیا جاسکتا۔ اسے لفظوں میں بیان کرنا مشکل ہے۔ اللہ کا شکریہ۔‘‘

It is the most beautiful day of my life, says liberated Palestinian husband Ashraf Nofal, who describes deplorable & cruel conditions of israelis jails pic.twitter.com/y6LqVLzdhp

— Sarah Wilkinson (@swilkinsonbc) January 31, 2025

سلاخوں کے پیچھے نوفیل کی زندگی
سلاخوں کے پیچھے اشرف نوفیل کی زندگی کسی ڈراؤنے خواب سے کم نہیں ہے۔ انہوں نے اسرائیلی جیل میں ۲۵؍ سال کا عرصہ گزارا ہے۔ انہیں ۴۰؍ سال کی سزا سنائی گئی تھی۔ جیل میں انہوں نے ایسے حالات میں زندگی گزاری جسے دیکھ کر کسی بھی انسان کی روح کانپ سکتی ہے لیکن ہمیشہ آزادی کا خواب دیکھا۔

Liberated Palestinian detainee Ashraf Nofal embraces his wife after 24 years. pic.twitter.com/wbVl8TTaSV

— Alireza Akbari (@mypenmyworld) January 31, 2025

اشرف نوفیل نے کہا کہ ’’جیل کی زندگی مشکلات کا سامنا کرنے کی جگہ ہے۔ وہاں کی زندگی بالکل مختلف ہے۔ مشکلات اور درد بھری زندگی جہاں نہ انصاف ہے اور آپ سے آپ کے حقوق چھین لئے جاتے ہیں۔‘‘ انہوں نے واضح کیا کہ ۷؍ اکتوبر ۲۰۲۳ء کو غزہ میں اسرائیلی جنگ کے آغاز کے بعد حالات کس قدر خراب ہوگئے تھے۔نوفیل نے کہا کہ ’’تب سے اسرائیلی جیلوں میں فلسطینیوں کے ساتھ مزیدجارحانہ سلوک کیا جانے لگا تھا۔‘‘

The first meeting of Palestinian detainee Ashraf Nofal, from Nablus, with his wife after 24 years of separation due to his detention in Israeli prisons.

He was released yesterday as part of the prisoner exchange deal between the Israeli occupation and the Palestinian resistance. pic.twitter.com/YLUdjdZ1Ah

— Quds News Network (@QudsNen) January 31, 2025

اسرائیلی جیلوں کی حقیقت
اسرائیلی قیدوں میں موجود فلسطینی قیدی نہ صرف یہ کہ جسمانی بلکہ جذباتی درد کا بھی سامنا کر رہے ہیں۔اشرف نوفیل نے بتایا کہ ’’ہم نے جیل کی دیواروں کے اندر جس اذیت کا سامنا کیا وہ ناقابل بیان ہے۔ اس درد، تنہائی اور فلسطینی قیدی جس ناانصافی کا سامنا کر رہے ہیں اسے لفظوں میں بیان نہیں کیاجاسکتا۔‘‘یاد رہے کہ فی الحال اسرائیلی جیلوں میں ۱۰؍ ہزار فلسطینی قید ہیں جن میں سے ۶۰۰؍ سے زائد عمر قید کا سامنا کر رہے ہیں۔

اسرائیلی جیلوں سے رہائی فلسطینیوں کیلئے خواب بن گئی تھی۔ تصویر: ایکس

امید کی کرن
جمعرات کو تاریخی معاہدے کے تحت اسرائیل نے ۱۱۰؍ فلسطینی قیدیوں کے ساتھ نوفیل اشرف کو بھی رہا کیا تھا۔ اس کے بدلے میں حماس نے تین اسرائیلی یرغمالوں اور ۵؍ تھائی باشندوں کو غزہ سے رہا کیا ہے۔رہا کئے گئے فلسطینیوں میں سے ۳۲؍ فلسطینی عمر قید اور ۴۸؍ فلسطینی مختلف معاملات میں قید کا سامنا کر رہے تھے جبکہ ۳۰؍ قیدی کم عمر تھے۔

فلسطینیوں کو رہا ہونے کے بعد دیکھا جاسکتا ہے۔ تصویر: ایکس 

۱۹؍ جنوری کو اسرائیل اور حماس کے درمیان ’’جنگ بندی اور یرغمالوں کی رہائی کے معاہدے‘‘کا نفاذ عمل میں آیا تھا۔یاد رہے کہ اسرائیلی جارحیت کے نتیجے میں اب تک ۴۷؍ ہزار سے زائد فلسطینیوں کی موت ہوئی ہے جبکہ ۱۰؍ لاکھ ۱۱؍ ہزار سے زائد فلسطینی زخمی ہوئے ہیں۔ اسرائیلی جارحیت کے نتیجے میں ۱۱؍ ہزار سے زائد فلسطینی گمشدہ ہیں ۔ اسرائیلیحملوں کی وجہ سے غزہ میں تباہی ہی تباہی ہے جبکہ فلسطینی انسانی بحران کا سامنا کر رہے ہیں۔ یاد رہے کہ بین الاقوامی فوجداری عدالت نے اسرائیلی وزیر اعظم بنجامن نیتن یاہو اور سابق اسرائیلی وزیر دفاع یووو گیلنٹ کے خلاف حراستی وارنٹ جاری کیا تھا۔