رفح میں اسرائیلی بمباریوں کے دوران انٹرنیشنل ریڈ کراس نے جنوبی غزہ میں فیلڈ اسپتال کھولے ہیں۔ انٹرنیشنل کمیٹی آف دی ریڈ کرا س نے کہا کہ ’’غزہ میں لوگ طبی امداد حاصل کرنے کیلئے جدوجہد کر رہے ہیں جس کی انہیں بہت ضرورت ہے اوریہاں متعدد اسپتالوں کے غیر فعال ہونے کے سبب طبی خدمات کی مانگ میں اضافہ ہوا ہے۔ ان فیلڈ اسپتالوں میں عملہ ایک دن میں ۲۰۰؍ افراد کا علاج کرسکتا ہےاور یہاں دیگر سہولیات بھی موجود ہیں۔

آج انٹرنیشنل ریڈ کراس اورادارے کے پارٹنرز نے جنوبی غزہ میں  فیلڈ اسپتال کھول رہے ہیں تاکہ وہ رفح میں طبی خدمات کی مانگ میں اضافہ کو پورا کرنے کی کوشش کر سکیں ۔ خیال رہے کہ گزشتہ ہفتے اسرائیل کے رفح میں فوجی آپریشن کے آغاز کے بعد وہاں طبی امداد کی سخت ضرورت ہے کیونکہ اسرائیل نے سرحدیں بندکی ہیں جس کے سبب محصور خطے میں انسانی امداد کی رسائی ناممکن ہو گئی ہے۔

یہ بھی پڑھئے: ’’رفح پر اسرائیل کے حملے سے حماس کا خاتمہ نہیں ہوگا‘‘

خطے میں اسرائیلی بمباری کے دوران متعدد طبی دواخانوں نے اپنی سرگرمیاں معطل کی ہیں جبکہ مریض اورطبی معاونین نے بڑے اسپتالوں کی جانب ہجرت کی ہے۔اس ضمن میں انٹرنیشنل کمیٹی آف دی ریڈ کرا س نے کہا کہ ’’غزہ میں لوگ طبی امداد حاصل کرنے کیلئے جدوجہد کر رہے ہیں جس کی انہیں بہت ضرورت ہے اوریہاں متعدد اسپتالوں کے غیر فعال ہونے کے بعد طبی خدمات کی مانگ میں زبردست اضافہ ہوا ہے۔نرس اور ڈاکٹر دن رات مریضوں کی جان بچانے کیلئے محنت کر رہے ہیں۔‘‘

#Gaza Together with 11 Red Cross National Societies, we are combining efforts to open a field hospital in #Rafah to help address overwhelming medical needs.

This 60-bed hospital complements & supports the essential work of @PalestineRCS.

News Release 👉🏽 https://t.co/nTFPU51pDb pic.twitter.com/XmEiYIQWzf

— ICRC (@ICRC) May 14, 2024

آئی سی آر ایس نے مزید کہا کہ نئی فیسیلیٹی میں عملہ ایک دن میں ۲۰۰؍ افراد کا علاج کرسکتا ہےاوروہاں ہنگامی آپریشن کے بعد دیکھ بھال ،بچوں کا علاج اور دیگر خدمات فراہم کرنے کی سہولت ہو گی۔ طبی عملے کے پاس سنگین طور پر زخمی مریض آر ہے ہیں اور متعدی بیماریوں میں اضافہ ہو رہا ہے جوممکنہ وباء کا باعث بن سکتی ہیں ۔آئی سی آر سی ان اسپتالوں کو طبی سپلائے فراہم کرتی رہے گی  جبکہ ۱۱؍ ممالک، جن میں جاپان، کنیڈا، جرمنی اور ناروے بھی شامل ہیں، عملہ اور آلات فراہم کر رہے ہیں۔