آئرلینڈ نے منگل کو تاریخ میں پہلی مرتبہ فلسطینی سفیر کو مقرر کرنے کی منظوری دی ہے۔ خیال رہے کہ گزشتہ سال ڈبلن، آئرلینڈ کے فلسطینی ریاست کے قیام کی حمایت کرنے کے بعد دونوں ممالک کے درمیان سفارتی تعلقات کا قیام عمل میں آیا ہے۔

آئرلینڈ نے منگل کو تاریخ میں پہلی مرتبہ فلسطینی سفیر کو مقرر کرنے کی منظوری دی ہے۔ خیال رہے کہ گزشتہ سال ڈبلن،آئرلینڈ کے فلسطینی ریاست کے قیام کی حمایت کرنے کے بعد ڈبلن نے یہ فیصلہ کیا ہے۔ آئرلینڈ کے سینئر حکام نے اس بات کی تصدیق کی ہے کہ جیلان وہبہ عبدالمجیدکو آئرلینڈ میں فلسطینی مشن کاہیڈ مقرر کر دیا گیا ہے۔

یہ بھی پڑھئے: اسرائیلی وزیراعظم بنجامن نیتن یاہونے وزیر دفاع یوو گیلنٹ کو برطرف کر دیا

یاد رہے کہ مئی میں ڈبلن نے بطور جمہوری اور آزادانہ ملک فلسطینی ریاست کے قیام کی حمایت کی تھی۔ اسپین اور ناروے نے بھی اسی دن فلسطینی ریاست کے قیام کی حمایت کی تھی۔ اس کے اگلے ہفتے سلوانیا نے فلسطینی ریاست کے قیام کی حمایت کی تھی۔آئرلینڈ ۷؍ اکتوبر ۲۰۲۳ء سے غزہ میں اسرائیلی جارحیت کی مخالفت کرنے والے ممالک میں سے ایک رہا ہے۔ ستمبر میں فلسطین اور آئرلینڈ کے درمیان سرکاری سفارتی تعلقات کا قیام عمل میں آیا تھا۔یاد رہے کہ ۷؍ اکتوبر ۲۰۲۴ء کو غزہ میں اسرائیلی جارحیت کی شروعات ہوئی تھی جس کے نتیجے میں اب تک ۴۳؍ ہزار سے زائد فلسطینی اپنی جانیں گنواچکے ہیں جبکہ ۹۷؍ ہزار سے زائد زخمی ہوچکے ہیں۔