اقوام متحدہ کے ہائی کمشنر فلیپو لازارینی نے متنبہ کیا ہے کہ اسرائیل کے لبنان میں جنگ میں توسیع کے سبب صرف شہریوں کی مشکلات میں اضافہ ہوگا۔ یو این نے خبردار کیا کہ لبنان میں اب تک ۲؍ لاکھ افراد اندرونی طور پر بے گھر ہوئے ہیں۔

تارکین وطن کیلئے اقوام متحدہ کے ہائی کمشنر نے فلیپو گرانڈی نے پیر کو متنبہ کیا ہے کہ لبنان اور یمن میں اسرائیل کی توسیع میں اضافہ کے نتیجے میں صرف شہری بے گھر ہوں گے اور شہریوں کی مشکلات میں اضافہ وہگا۔ انہوں نے کہا کہ ’’لبنان میں رہائش اختیار کئے ہوئے ایک لاکھ سے زیادہ لبنانی اور سیریائی باشندوں نے شام کی سرحد پارک کی ہے جبکہ ۲؍ لاکھ افراد اندورنی طور پر بے گھر ہوئے ہیں۔‘‘ گرانڈی نے اپنے ایکس پوسٹ میں کہا کہ ’’جنگ زدہ ملک میں لبنانی اور شام کی حکومتوں کے تعاون سے ضرورت مند افراد کی مدد کی جارہی ہے۔ ‘‘

یہ بھی پڑھئے: تھائی لینڈ: بس میں آتشزدگی، ۲۵؍ افراد کے جاں بحق ہونے کا اندیشہ

انہوں نے نشاندہی کی کہ اسرائیل نے لبنان میں گھروں اور شہری انفراسٹرکچر کو نشانہ بنایا ہے جس کے نتیجے میں پورا خاندان ہلاک ہوگیا ہے اور بڑے پیمانے پر لوگ بے گھر ہوئے ہیں۔ انہوں نے شہریوں کی حفاظت اور انہیں بنیادی اشیاءفراہم کرنے کی ضرورتوں پر زور دیااور کہا کہ شہریوں کو نشانہ نہیں بنایا جانا چاہئے۔

یہ بھی پڑھئے: یوپی: لکھنو میں آئی فون کیلئے ڈیلیوری بوائے کا قتل کردیا گیا

یو این آر ڈبلیو اے کے کمشنر جنرل فلپ لازارینی نے کہا کہ لبنان میں اسرائیلی چھاپوں کے سبب ہزاروں افراد بے گھر ہوئے ہیںجن میں فلسطینی پناہ گزین بھی شامل ہیں۔ لبنان میں بے گھر افراد کیلئے ۷؍ شیلٹرز قائم کئے گئے ہیں جن میں فی الحال ایک ہزار ۶۰۰؍ افراد رہائش اختیار کئے ہوئے ہیں۔ لازارینی نے کہا کہ بے گھر افراد میں سے بہت سے افراد نفسیاتی صدمے کا شکار ہیں ۔ جنگ میں اضافہ صرف شہریوں کیلئے مشکلات کا باعث بنے گا۔