مالدیپ نے منگل کو عالمی عدالت میں جنوبی افریقہ کے اسرائیل کےخلاف نسل کشی کے مقدمے میں شمولیت کا اعلان کیا ہے۔ خیال رہے کہ اب تک فلسطین، اسپین، ترکی ، چیلی اور دیگر ممالک اس کیس میں شامل ہوئے ہیں۔

مالدیپ نے منگل کو عالمی عدالت میں اسرائیل کے خلاف جنوبی افریقہ کے نسل کشی کے کیس میں مداخلت کا اعلان کیا ہے۔ خیال رہے کہ جنوبی افریقہ نے غزہ میں اسرائیل کی نسل کشی اور قتل عام کے خلاف یہ کیس درج کیا تھا۔فی الحال جنوبی افریقہ کے اس کیس میں نگارگوا، کولمبیا، لیبیا، میکسیکو، فلسطین، اسپین، ترکی اور چیلی نے مداخلت کی ہے۔ اس ضمن میں مالدیپ کے صدر محمد معزو نے اپنے ایکس پوسٹ پر کہا ہے کہ ’’عالمی عدالت میں جنوبی افریقہ کے اسرائیل کے خلاف نسل کشی کے مقدمے میںمالدیپ بھی شرکت کرے گا۔‘‘ انہوں نے مزید لکھا ہے کہ ’’اسرائیل کو غزہ میں اس کی غیر قانونی کارروائیوں کیلئے جوابدہ ہونا پڑے گا۔ قانون کی حکمرانی کو برقرار رکھنا ضروری ہے اور اسرائیل کو فلسطینیوں کے خلاف نسل کشی کی کارروائیاں ختم کرنی چاہئیں۔‘‘

COMMUNIQUÉ : les #Maldives ont déposé une declaration d’intervention en l’aff. de l’Application de la convention pour la prévention et la répression du crime de genocide dans la bande de Gaza (#AfriqueduSud c. #Israël) https://t.co/vVtAoxxwsy pic.twitter.com/19qxOvlOf8

— CIJ_ICJ (@CIJ_ICJ) October 2, 2024

محمد معزو نے کہا کہ ’’مالدیپ ہمیشہ امن ، انصاف اور انسانیت کی حمایت کرے گا جو وہ اب بھی کر رہاہے۔ ہم فلسطینی شہریوں کے ساتھ ہمیشہ کھڑے رہیں گے۔‘‘ خیال رہے کہ جنوبی افریقہ نے اسرائیل کے خلاف یہ کیس ۲۹؍ دسمبر ۲۰۲۳ء کو درج کیا تھا۔
عالمی عدالت نے اسرائیل کو غزہ میں نسل کشی کے جرائم کا مرتکب ٹھہرایا تھا اور اسےغزہ میں اپنی نسل کشی کی کارروائیاں روکنے کا حکم بھی دیا تھا۔

یہ بھی پڑھئے: بدلاپور جنسی زیادتی معاملہ: اسکول کے دو ٹرسٹی گرفتار

اسرائیل نے عالمی برداری کی اپیلوں اور عدالت کے فیصلے کو بالائے طاق رکھتے ہوئے فلسطینیوں پر اپنی جارحیت برقرار رکھی ہے۔ اب تک صہیونی جارحیت کے سبب ۴۱؍ ہزارسے زائد فلسطینی اپنی جانیں گنوا چکے ہیں جبکہ ۹۶؍ ہزار سے زائد زخمی ہوچکے ہیں۔ فلسطینی خطے میں ۲۰؍ ہزار شہری لاپتہ ہیں۔ اسرائیل نے ۱۶؍ ہزار سے زائد بچوں کو موت کے گھاٹ اتاراہے۔