او سی ایچ اے نے نشاندہی کی ہے کہ جنین میں اسرائیل کے چھاپوں میں اضافے کے سبب سڑکیں خستہ حال ہو گئی ہیں۔ پانی کے پائپس کو نقصان پہنچے سے ۳۵؍ ہزار فلسطینی شہریوں کیلئے پانی کی سپلائی تباہ ہو گئی ہیں۔

اقوام متحدہ کی ہیومینٹیرین (انسانی) ایجنسی او سی ایچ اے نے کہا ہے کہ ’’اسرائیلی فوج نے جنین کے ایک گاؤں کفردان، جنین کے پناہ گزین کیمپ اور مشرقی جنین میں اپنے چھاپوں کے سبب سڑکوں، پانی اور سیویج سسٹم کو تباہ کر دیا ہے۔ جنین میں ۴۵؍ گھر مکمل طور پر ناقابل رہائش بن چکے ہیں جس کی وجہ سے ۲۹۷؍ افراد بے گھر ہوئے ہیں جن میں۱۰۲؍ بچے ہیں۔ اسرائیل کی بلڈوزر اور بھاری مشینون نے تقریباً ۲۵؍ کومیٹر کی سڑکوں کو نقصان پہنچایا ہے۔

یہ بھی پڑھئے: ’’وقف ترمیمی بل غیر آئینی ہے جسے ہر گز منظور نہیں کیا جاسکتا ‘‘

خیال رہے کہ ۷؍ اکتوبر ۲۰۲۴ء کو اسرائیلی جنگ کی شروعات کے بعد سے اسرائیل کے مغربی کنارے اور جنین میں اپنے چھاپے بڑھا دیئے ہیں۔ سڑکوں کی تباہی کی وجہ سے پانی اور سیوج کے پائپس کو بھی نقصان پہنچا ہے جس کی وجہ سے جنین کےشہری ۲۸؍اگست سے پانی کی سپلائی کے بغیر زندگی گزار رہے ہیں۔ پائپ کو نقصان پہنچے کے سبب خیموں اور پڑوس کے علاقوں میں سیوج اوورفلو بھی ہواہے۔ خیال رہے کہ اسرائیلی جارحیت کے نتیجے میں اب تک ۴۱؍ ہزار فلسطینی ہلاک جبکہ ۹۴؍ ہزار زخمی ہوئے ہیں۔ صہیونی مظالم کے سبب فلسطینی مشکلات میں زندگی گزارنے پر مجبور ہیں۔