غزہ اور لبنان میں اسرائیلی فوج کی جانب سے خون کی ہولی کھیلنے کا سلسلہ جاری ہے، ایسی صورتحال میں ایک معصوم بچی کی ویڈیو سوشل میڈیا پر وائرل ہورہی ہے جو اپنی زخمی بہن کو اُٹھائے کڑی دھوپ میں تپتی سڑک پر ننگے پاؤں چل رہی ہے۔

غزہ اور لبنان میں اسرائیلی فوج کی جانب سے خون کی ہولی کھیلنے کا سلسلہ جاری ہے، ایسی صورتحال میں ایک معصوم بچی کی ویڈیو سوشل میڈیا پر وائرل ہورہی ہے جو اپنی زخمی بہن کو اُٹھائے کڑی دھوپ میں تپتی سڑک پر ننگے پاؤں چل رہی ہے۔

A little girl carrying her injured sister in Gaza. pic.twitter.com/n3j849JZJo

— Muhammad Smiry 🇵🇸 (@MuhammadSmiry) October 21, 2024

اس ویڈیو میں دیکھا جاسکتا ہے کہ بھری دوپہر میں ایک فلسطینی معصوم بچی گاڑی کی ٹکر سے زخمی ہونے والی اپنی بہن کو کندھے پر اٹھائے جارہی ہے۔ یہ بچی خیمہ بستی (البریج کیمپ) کی طرف جانے کی جدوجہد میں مصروف ہے، اس کے پیر میں چپل بھی نہیں ہے۔

یہ بھی پڑھئے: روسی فوج سے ۸۵؍ ہندوستانیوں کو رہا کیا گیا ہے: وزارت خارجہ

ایک موٹر سوار نے دیکھا تو وہ تڑپ اٹھا، اس نے بچی سے گفتگو کی ویڈیو ریکارڈ کی ، جس کے مطابق معصوم بچی کی چھوٹی بہن کا پاؤں زخمی ہے، جسے اس نے اپنے کندھے پر اٹھایا ہوا ہے، وہ روزانہ ایک گھنٹے سے زیادہ کا سفر طے کرکے اسے علاج کیلئے البریج کیمپ کے دواخانہ لے کر جاتی ہے۔ اس کا ویڈیو ایکس ، انسٹا گرام اور فیس بک پر وائرل ہوگیا ہے ۔اسرائیلی مظالم کے سبب اس حال کو پہنچنے والے غزہ کی بے سروسامانی اور بچی کی زبوں حالی دیکھ کر سوشل میڈیا کے بیشتر صارفین تڑپ اٹھے اور انہوں نےہمدردی و افسوس کا اظہار کیا۔