آج اسپین نے عالمی عدالت میں جنوبی افریقہ کے اسرائیل کے غزہ میں نسل کشی کو روکنے کے کیس میں شمولیت کا اعلان کیا ہے۔ اسپین کے وزیر خارجہ نے کہا کہ اس کا مقصد جنگ کا خاتمہ اور دو ریاستی حل کو اہمیت دینا ہے۔

اسپین نےآج اعلان کیا کہ وہ عالمی عدالت میں جنوبی افریقہ کے اسرائیل کے غزہ میں نسل کشی کو روکنے کے معاملے میں شمولیت اختیار کرے گا۔ اسپین کے وزیر خارجہ جوس مینوئل الباریس نے پریس کانفرنس میں کہا کہ ’’ہمارا مقصد جنگ کا خاتمہ اور دو ریاستی حل کو اہمیت دینا ہے۔‘‘ خیال رہے کہ ان کا یہ بیان اس وقت سامنے آیا ہے جب اسپین نے آزاد فلسطینی ریاست کے قیام کی حمایت کی ہے۔ جنوبی افریقہ نے گزشتہ سال عالمی عدالت میں اسرائیل کے خلاف مقدمہ درج کیا تھا اور الزام عائد کیا تھا کہ اسرائیل غزہ میںنسل کشی کی کارروائیاں انجام دے رہا ہے جو ۱۹۴۸ء کے نسل کشی کے کنویشن کی صریح خلاف ورزی ہے۔

یہ بھی پڑھئے: سوڈانی فوج آر ایس ایف نے گائوں پر حملہ کیا، سیکڑوں افراد جاں بحق

عالمی عدالت نے اسرائیل کو حکم جاری کیا تھا کہ وہ غزہ میں اور رفح میں اپنا فوجی آپریشن روک دے لیکن اسرائیل نے عدالت کے حکم کی خلاف ورزی کرتے ہوئے غزہ اور رفح میں اپنی جارحیت جاری رکھی ہے۔ اسرائیل نے جنوبی افریقہ کے الزامات کو ماننے سے انکار کیا تھا اور کہا تھا کہ جنوبی افریقہ نسل کشی کے کنویشن کا مذاق اڑا رہا ہے۔ 
یاد رہے کہ جنوبی افریقہ نے بارہا عالمی عدالت میں اسرائیل کے خلاف درخواست داخل کرتے ہوئے عدالت سے اسرائیل کو غزہ اور رفح میں اپنے حملے روکنے اور وہاں انسانی امداد کی ترسیل میں اضافہ کرنے کیلئے احکامات جاری کرنے اپیل کی ہے۔