اقوام متحدہ کے سربراہ انتونیوغطریس سےعطیہ دہندگان سے یو این آر ڈبلیو اے کو عطیہ فراہم کرنے کی اپیل کی ہے۔ انہوں نے نشاندہی کی ہے کہ یو این آر ڈبلیو اے کے پاس صرف ستمبر تک کا ہی فنڈ ہے۔

اقوام متحدہ کے سربراہ نے جمعہ کو فلسطینی پناہ گزینوں کیلئے اقوام متحدہ کی ایجنسی یو این آر ڈبلیو اے کیلئے فنڈ کی اپیل کی اور کہا کہ اسرائیل فلسطینیوں کو زبردستی انخلاءکا حکم دے رہا ہے جس کی وجہ سے فلسطینی ایک جگہ سے دوسری جگہ موت اور تباہی کے درمیان نقل و حرکت پر مجبور ہیں۔ سیکریٹری جنرل انتونیو غطریس نے ڈونرز کانفرنس کے درمیان کہاکہ یو این آر ڈبلیو اے کو فنڈنگ کے بحران کاسامنا ہے۔ ایجنسی کے پاس صرف ستمبر تک کی فنڈنگ موجود ہے۔ انہوں نے عطیہ دہندگان سے اپیل کی کہ وہ یو این آر ڈبلیو اے کو غزہ کے شہریوں کی مدد کیلئے فنڈ فراہم کرے۔ 

یہ بھی پڑھئے: ایم ایل سی الیکشن میں کراس ووٹنگ، مہا یوتی کی فتح

جنوری میں اسرائیل کے یو این آر ڈبلیو کے متعدد کارکنان کے ۷؍اکتوبر کو حماس کے حملے میں ملوث ہونے کا الزام عائد کرنے کے بعد متعد د ممالک نے ایجنسی کیلئے اپنی فنڈنگ کور وک دیا ہے۔ اس ضمن میں یو این آر ڈبلیو اے کے چیف فلپ لازارینی نے کہا کہ ’’ہم اپنے ساتھیوں کے ساتھ ایجنسی میں اعتماد بحال کرنے کیلئے جدوجہد سے کام کر رہے ہیں۔‘‘ 
اقوام متحدہ کے سربراہ غطریس نے عطیہ دہندگان سے اپیل کی ہے کہ وہ یو این آر ڈبلیو اے کو فنڈ فراہم کرے اور متنبہ کیا ہے کہ اگر یو این آر ڈبلیو اے کے بغیر فلسطینی ’’اہم لائف لائن‘‘ اور بہترین مستقبل کی واحد امید کھو دیں گے۔ غطریس نے یہ بھی نشاندہی کی کہ جنگ کے دوران یو این آر ڈبلیو اے کے ۱۹۵؍ اراکین ہلاک ہو چکے ہیں جو اقوام متحدہ کی تاریخ میں اہم تعداد ہے۔ امریکی کانگریس نے یو این آر ڈبلیو اے کیلئے مزید فنڈنگ کو روک دیا ہے۔ خیال رہے کہ ۷؍ اکتوبر ۲۰۲۳ء کو شروع ہوئی اس جنگ کے نتیجے میں اب تک ۳۸؍ ہزار سے زائد فلسطینی جاں بحق جبکہ ۸۰؍ ہزار سے زائد فلسطینی زخمی ہوئے ہیں۔