اقوام متحدہ نے شمالی غزہ کے تباہ کن حالات کی نشاندہی کرتے ہوئے کہا کہ ’’فلسطینی خطے میں شہری بھکمری کا سامنا کر رہے ہیں اور دنیا خاموش تماشائی بنی ہوئی ہے۔‘‘

اقوام متحدہ نے شمالی غزہ میں ’’تباہ کن‘‘ حالات سے تعلق سے خبردار کیا ہے اور کہا ہے کہ ’’فلسطینی بھکمری کا سامنا کر رہے ہیںاور دنیا دیکھ رہی ہے۔‘‘ اقوام متحدہ کے ترجمان اسٹیفن دجارک نے نیوز کانفرنس کے درمیان اقوام متحدہ کے سیکریٹری جنرل فار ہیومینیٹیرین افیئرز جوئس مسویا کا پیغام پہنچاتے وہئے کہا کہ ’’گزشتہ ماہ سے شمالی غزہ مکمل محاصرہ میں ہے۔‘‘ جوئس مسویا کے پیغام کے مطابق ’’اسرائیلی فوج کے زمینی آپریشن کے سبب فلسطینی بنیادی اشیاء کے بغیر زندگی بسر رکر ہے ہیں ،متعدد فلسطینی حفاظت کیلئے متعدد مرتبہ نقل مکانی کر چکے ہیں اور انسانی امداد کی سپلائی کیلئے راستے بند ہوچکے ہیں۔‘‘

یہ بھی پڑھئے: ٹیم انڈیا اے میں راہل کے فارم پر نظر

انہوں نےشمالی غزہ میں ’’تباہ کن مہلک حالات‘‘ کے تعلق سے خبردار کرتے ہوئے زور دیا کہ ’’فلسطینی شہری بھکمری کا سامنا کر رہے ہیں جبکہ دنیا دیکھ رہی ہے۔ ان مظالم کو اب ختم ہونا چاہئے۔‘‘ خیال رہے کہ اسرائیل کے فوجی آپریشن کے سبب شمالی غزہ کے حالات تباہ کن ہوچکے ہیں۔ خیال رہے کہ اب تک اسرائیلی جارحیت کے نتیجے میں ۴۳؍ ہزار سے زائد فلسطینی اپنی جانیں گنواچکے ہیں جبکہ ۹۷؍ ہزارسے زائد زخمی ہوچکے ہیں۔لبنان میں اسرائیل کے فوجی آپریشن میں اضافہ کے بعد مشرقی وسطیٰ میں جنگ میں اضافہ کا خدشہ ہے۔