فلسطینی محکمہ صحت کے ایک اہلکار کے مطابق اسرائیلی جنگ کے نتیجے میں زخمی ہونے والے تمام فلسطینی سرجری کے عمل سے گزریں گے۔ محکمہ نے اندازہ لگایا ہے کہ اس طرح نصف ملین سے زائد سرجری ہوں گی۔ اسرائیلی حملوں کے نتیجے میں اب تک ۹۴؍ ہزار سے زائد فلسطینی زخمی ہوئے ہیں جن میں سے ہر ایک کو جنگ کے ختم ہونے کے بعد اوسطاً ۳؍ سے ۴؍ سرجری کی ضرورت ہوگی۔

ترکی کی انادولو ایجنسی کی رپورٹ کے مطابق فلسطینی محکمہ صحت کے ایک اہلکار کے مطابق اسرائیلی جنگ کے نتیجے میں زخمی ہونے والے فلسطینیوں کو تقریب نصف ملین مرتبہ آپریشن کے عمل سے گزرنا ہوگا۔ اس ضمن میں عبدالطیف الحج نے بتایا کہ غزہ میں ۹۴؍ ہزار سے زائد افراد زخمی ہیں جن میں سے ہر ایک کو جنگ کے ختم ہونے کے بعد اوسطاً  ۳؍ سے ۴؍ مرتبہ آپریشن کے عمل سے گزرنے کی ضرورت ہوگی۔ اسرائیل اسپتالوں، اسکولوں اور کنڈرگارڈنس میں بمباری کر کے بین الاقوامی قوانین اور انسانی اقدار کو مسلسل نظر انداز کررہا ہے۔

یہ بھی پڑھئے: ہریانہ کے ۶؍ سے زیادہ کھلاڑی اسمبلی انتخابات میں قسمت آزما سکتے ہیں

الحج نے مزید کہا کہ غزہ کے ہیلتھ کیئر سسٹم کو تباہ کن چیلنجز کا سامنا ہے۔ اسپتالوں اور کلینکس پر بمباری کی وجہ سے غزہ کا ۷۰؍ فیصد طبی سسٹم تباہ ہو چکا ہے۔ فلسطینی حکام کے مطابق غزہ میں فی الحال ۱۴؍ اسپتال فعال ہیں جن میں سے ۴؍ اہم طبی مراکز ہے جبکہ دیگر غیر سرکاری کلینکس ہیں۔ انہوں نے نشاندہی کی کہ غزہ میں ۵۰؍ فیصد اہم ادویات اور ۶۰؍ فیصد لیباریٹری کے سامان موجود نہیں ہیں۔ جنگ کے آغاز کے بعد سے اب تک ۸۸۰؍ طبی کارکنان ہلاک ہو چکے ہیں۔ فلسطینی اور بین الاقوامی ڈیٹا کے مطابق اسرائیلی فوج اکتوبر ۲۰۲۳ء سے غزہ میں اسپتالوں اور ہیلتھ کیئر سسٹم کو بڑے پیمانے پر نشانہ بنا رہی ہے جس کی وجہ سے کئی اسپتال غیر فعال ہو چکے ہیں اور مریض طبی خدمات سے محروم ہیں۔متعد د مریضوں اور عملے کی جان خطرے میں ہے۔