جرمنی کے فرینکفرٹ ہوائی اڈے پر تیل گیس اور کوئلے کے استعمال کی مخالفت کرتے ہوئے رضاکار ہوائی پٹی تک پہنچ کر خود کو گوند سے چپکا لیا۔ اس کے سبب جہازوں کی آمد ورفت دو گھنٹے متاثر رہی۔ پولیس نے انہیں گرفتار کر لیا جبکہ وزیر آمدورفت نے ان کے خلاف سخت کارروائی کا مطالبہ کیا ہے۔

جرمنی کے فرینکفرٹ ہوائی اڈے پر جمعرات کوجہازں کی آمد ورفت اس وقت رک گئی جب سات ماحولیاتی رضاکاروں نے ہوائی پٹی پر خود کوچپکا لیا،جنہیں پولیس نے گرفتار کر لیا،موسم گرما کے مصروف چھٹیوں کےدوران ٹرافک کو ۲؍ گھنٹوں کیلئے روک کر ہوائی پٹی کو ہوائی جہاز اترنے نے قابل بنانے میں دو گھنٹے لگ گئے،پولیس نے ساتوں کو عبوری طور پر گرفتارکر لیا ہے، آٹھواں رضاکار باڑ سے گزرنے کی کوشش کے وقت گرفتار کر لیا گیا،ماحولیاتی رضاکاروں کے گروہ ’’آخری نسل ‘‘ نے اس شہری نافرمانی کی ذمہ داری قبول کی ہے۔ اس کے ارکان ہوائی اڈے کی باڑ کوکاٹ کر سائیکل پیدل اور اسکیٹ بورڈ کے ذریعے ہوائی اڈے کے مختلف جگہوں تک پہنچے۔

Germany`s #Frankfurt airport has suspended operations due to eco-activists` infiltration
At least 140 flights have been canceled at the country`s largest airport due to an action by eco-activists and delays are expected for the rest of the day the airport`s press service reported pic.twitter.com/D3wXl5Wnie

— Uncensored News (@Uncensorednewsw) July 25, 2024

اس گروپ نے ایک تصوری ساجھا کی جس میں ایک رضاکار ہوائی پٹی پرایک بینر لئے ہوئے ہے جس پر لکھا تھا ’’ آئل کلس‘‘ (تیل قتل کرتا ہے ) ۔یہ گروپ اس عالمی معاہدہ پر عمل کرنے کی مانگ کر رہا ہے جس میں ۲۰۳۰ء تک تیل ، گیس اور کوئلے کے استعمال کو ختم کرنے کی بات کہی گئی ہے۔ وزیر آمد و رفت نے اسے ایک مجرمانہ عمل قرار دیا ہے۔انہوں نے میڈیا سے گفتگو کرتے ہوئے کہا کہ ’’ یہ رضاکار زیادہ سے زیادہ نقصان پہنچانا چاہ رہے تھے۔‘‘ انہوں نے ان مظاہرین کے ہوائی اڈے میں داخل ہونے کی پاداش میں انہیں ۵؍ سال قید کی سزا کا مطالبہ کیا ہے۔اور کہا کہ ’’ جو بھی ہوائی پٹی پر قبضہ کرے گا یا ہوئی جہازوں کو روکے گا وہ شہریوں کی زندگی کو خطرہ میں ڈالنے کا مرتکب ہوگا۔

یہ بھی پڑھئے: امریکہ: کانگریس رکن رشیدہ طالب کا کوفیۃ زیب تن کرکے فلسطین کے ساتھ اظہار یکجہتی

واضح رہے کہ یہ احتجاج یورپ میں ایک دن قبل ہوئے اسی طرح کے احتجاج کے مماثل تھا،منگل کو اسی گروپ کے رضاکاروں نے کولون بون ہوائی اڈے پر بھی جہازوں کی آمد و رفت کو اسی طرح روک دیا تھا۔