برطانیہ کے پارلیمانی انتخابات میں بھلے ہی لیبر پارٹی کو فتح ملی ہو لیکن مسلم اکثریتی علاقوں میں اسے فلسطین حامی آزاد امیدواروں کے ہاتھوں شکست کا سامنا کرنا پڑا۔ اس کے علاوہ کئی جگہوں پر اس کے دیگر امیدوار بھی فلسطین حامی امیدوار سے بہت کم ووٹوں سے کامیاب ہو سکے۔

برطانیہ کی لیبر پارٹی کو پارلیمانی انتخاب میں اکثریت ملنے کے باوجود اس کی غزہ کے تعلق سے موقف کے سبب مسلم اکثریتی علاقوں میں بڑا دھچکا لگا ہے،حالانکہ اس پارٹی کو کافی عرصے سے مسلمانوں اوردیگر اقلیتوں کی حمایت حاصل تھی،لیکن جمعہ شاہد ہے کہ جہاں بھی دس فیصد سے زیادہ مسلم آبادی تھی وہاں اس کی نشستوں میں دس پوائنٹ کی کمی آئی ہے۔ اس کی مثال جوناتھن ایشورتھ ہیں جنہیں امید تھی کہ وہ کئراسٹارمر کی حکومت کا حصہ ہوں گے اپنی نشست غزہ کے حامی امیدوارشوکت آدم سے ہار گئے، جبکہ دیگر کئی لیبر امیدوار ہار کے قریب پہنچ گئے۔شوکت آدم نے اپنی فتح کی تقریر کے آخر میں فلسطینی کفیہ اٹھاتے ہوئے کہا کہ’’ یہ غزہ کے عوام کیلئے ہے۔‘‘اس کے علاوہ غزہ حامی آزاد امیدوار سے ہار کر بلیک بورن اور ڈیوسبری اور بیٹلے میں بھی لیبر پارٹی دوسرے نمبر پر رہی، جہاں اس کے سابق لیڈر اور تجربہ کار بائیں بازو کے فلسطین حامی جیرمی کاربن بھی آزاد امیدوار کے طور پر جیت چکے تھے۔

BREAKING: Na`amodniks dropped a banner off Westminster Bridge this morning to make clear to the members of the new Government entering Downing Street today that we will not stop fighting for a ceasefire in Gaza and for an end to Israel`s occupation and apartheid. pic.twitter.com/FnNo1CUws3

— Na`amod (@NaamodUK) July 5, 2024

لیبر پارٹی کا کہنا ہے کہ غزہ میں جنگ بندی ہونی چاہئے لیکن اسرائیل کو بھی اپنے دفاع کا حق ہے،اس بیانیے نے ۳۹؍ لاکھ مسلمانوں کوجو برطانیہ کی کل آبادی کا ۵ء۶؍ فیصد ہے ، ناراض کر دیا۔محض جنگ بندی کی اپیل، اور فلسطین کی ریاست کو تسلیم کرنے کی بیان بازی کے سبب اسٹارمر کو تنقید کا نشانہ بننا پڑا۔جبکہ فلسطین کو تسلیم کرنے کا کوئی حتمی وقت مقرر نہیں کیا گیا۔
گزشتہ مہینے سانتا کے ایک سروے میں ۴۴؍ فیصد مسلمانوں نے غزہ جنگ کو ۵؍ اہم ترین مسائل میں سے ایک مانا تھا۔اور ۸۶؍ فیصد کا کہنا تھا کہ وہ اس معاملے پر آزاد امیدوار کی حمایت پر غور کریں گے۔’’مسلم ووٹ‘‘ نامی مہم کے تحت رائے دہنگان سے گزارش کی گئی تھی کہ وہ غزہ حامی امیدوار کو ووٹ دیں، یا پھربائیں بازو کی چھوٹی پارٹی ’ورکر پارٹی ‘ کے امیدواروں کو ووٹ دیں ۔ ۲۰۱۹ء کے انتخاب کی بہ نسبت اس انتخاب میں ۲۳۰؍ آزاد امیدوار زیادہ تھے۔ دیگر لیبر امیدواروں کا اپنے حلقوں میں صرف غزہ حامی امیدواروں سے ہی سخت مقابلہ تھا۔لیبر کے ہیلتھ چیف اور سینئر رکن شمالی ایلفرڈ علاقے سے فلسطینی نژاد برطانوی لیان محمد سےمحض ۵۲۸؍ ووٹ سے ہی فتح حاصل کر سکے۔  

یہ بھی پڑھئے: برطانیہ الیکشن: تبدیلی کا آغاز ہوچکا ہے۔ برطانیہ پھر عظیم بنے گا: کیئر اسمارٹر

جیس فلپس نے ورکر پارٹی کے امیدوار جوڈی میک انٹائر کو محض ۶۹۳؍ ووٹوں سے شکست دی، اور فلسطین حامی کارکنوں کے نعروں کے بیچ مشکل سے ہی اپنی تقریر کر پائے۔حالانکہ وہ ان چنندہ لیڈروں میں سے تھے جنہوں نے غزہ پالیسی کی مخالفت میں اپنا اعلیٰ سطحی پالیسی کردار کا عہدہ چھوڑ دیا تھا۔