آج ہریانہ میں بی جے پی کے لیڈر نائب سنگھ سینی نے وزیر اعلیٰ کے طور پر حلف لیا ہے۔ ہریانہ کے گورنر بنڈارو دتاتریہ نے انہیں یہ حلف دلایا ہے۔ حلف برداری کی تقریب میں وزیر اعظم مودی اور ریاستی بی جے پی لیڈران نے شرکت کی تھی۔

بی جے پی کے لیڈر نائب سنگھ سینی نے آج ہریانہ کے وزیر اعلیٰ کے طور پر حلف لیا ہے۔ ہریانہ کے گورنر بنڈارو دتاتریہ نے انہیں یہ حلف دلایا ہے۔ خیال رہے کہ بی جے پی نے مشرقی ریاست میں تیسری مرتبہ حکومت بنائی ہے۔ بی جے پی کے ایم ایل اے انیل وج، کرشن لال پنوار، راہ نربیر سنگھ،  مہیپال ڈھانڈا اور ویپول گوئل نے کابینی وزراء کےطور پر حلف لیا ہے۔

\

نائب سنگھ سینی وزیر اعظم مودی کے ساتھ۔ تصویر: پی ٹی آئی

اروند کمار شرما، کرشن بیدی، شیام سنگھ رانا اور رنبیر سنگھ نے ریاستی حکومت کے وزراء کے طورپر حلف لیا ہے۔ حلف برداری کی تقریب میں وزیر اعظم نریندر مودی، بی جے پی کے متعدد ریاستی وزراء، پارٹی لیڈران اور مرکزی لیڈران نے شرکت کی تھی۔ نائب سنگھ سینی بدھ کو بی جے پی کی قانون ساز پارٹی کےلیڈر منتخب ہوئے تھے۔ 

غزہ میں غذائی امداد کی فراہمی پر سخت ترین پابندیاں، بھکمری کا خطرہ

خیال رہے کہ بی جے پی نے ہریانہ کے ریاستی اسمبلی انتخابات میں فتح حاصل کی تھی۔ زعفرانی پارٹی نے اسمبلی کی ۹۰؍ سیٹوں میں سے ۴۸؍ سیٹیں اپنے نام کی تھیں۔البتہ کانگریس نے ۳۷؍ سیٹیں حاصل کی تھیں۔ نائب سنگھ سینی نے لدوا اسمبلی حلقے سے الیکشن جیتا تھا۔ یاد رہے کہ بدھ کو جموں کشمیر میں عمر عبداللہ نے وزیر اعلیٰ کے طور پر حلف لیا تھا۔ پارٹی لیڈر سریندر کما چودھری نے جموں کشمیر کے نائب وزیر اعلیٰ کے طور پر حلف لیا تھا۔