ہریانہ میں حال ہی میں ہونے والے اسمبلی انتخاب سے قبل مشہور پہلوان ونیش پھوگاٹ اور بجرنگ پونیا نے راہل گاندھی سے ملاقات کی، جس کے بعد ان پہلوانوں کے انتخاب لڑنے کی قیاس آرائیاں تیز ہوگئی ہیں۔ خیال کیا جا رہا ہے کہ ونیش پھوگاٹ جولانا سے اور بجرنگ پونیا بڈلی سے کانگریس کے ٹکٹ پر انتخاب لڑیں گی۔

ہندوستان کے مایہ ناز پہلوان بجرنگ پونیا اورونیش پھوگاٹ نے پارلیمنٹ میں حزب اختلاف کے لیڈر راہل گاندھی سے ملاقات کی۔جس کےبعد یہ قیاس کیا جا رہا ہے کہ شاید آنے والے اسمبلی انتخاب میں دونوں کانگریس کے ٹکٹ پر انتخاب لڑ سکتے ہیں۔ کانگریس کے ایکس میڈیا اکائونٹ نے اس ملاقات کی تصویر جاری کی ہے۔خبروں کے مطابق دونوں کانگریس کے انتظامی جنرل سکڑیٹری کے سی وینوگوپال سے بھی ملاقات کر سکتے ہیں۔واضح رہے کہ ۲۰۲۳ء میں کشتی فیڈریشن کے سربراہ برج بھوشن شرن سنگھ کے خلاف احتجاج میں دونوں کا نام  سب سے نمایاں تھا۔ 

یہ بھی پڑھئے: آرجی کرمیڈیکل کالج میں سی آئی ایس ایف کومعاونت فراہم کی جائے: مرکز

خیال کیا جا رہا ہے کہ پھوگاٹ جولانا سیٹ کے موجودہ رکن اسمبلی جن نایک پارٹی کے امر جیت ڈھانڈا کے مقابل انتخاب لڑیں گی، جبکہ بجرنگ پونیاکانگریس کی بڈلی سیٹ سے انتخاب لڑیں گے۔