حزب اللہ کے نائب نے ٹی وی پر ایک بیان جار ی کیا ہے، جس میں کہا گیا ہے کہ جنگ بندی ہی واحد حل ہے، حزب اللہ کو شکست نہیں دی جا سکتی، اگر اسرائیل چاہتا ہے کہ اس کے شمالی علاقے کے نوآبادکار اپنے گھروں میں لوٹیں تو اسے جنگ بندی کرنی ہوگی۔

حزب اللہ کے نائب لیڈر شیخ نعیم قاسم نے ٹی وی پر بات کرتے ہوئے کہا کہ خطے میں جاری جنگ کا واحد حل جنگ بندی ہے۔انہوں نے کہا کہ اس جنگ میں حزب اللہ کو شکست نہیں دی جا سکتی، اگر اسرائیل چاہتا ہے کہ اس کے شہری شمالی علاقوں کے اپنے گھروں میں لوٹ آئیں تو اسے غزہ پر حملے بند کرنے ہوں گے۔انہوں نے کہا کہ ’’ میں صفئہ اول سے کہتا ہوں کہ جنگ بندی حل ہے، اور جنگ بندی کے بعد ایک غیر تحریری معاہدے کے مطابق نو آباد کار شمال میں لوٹ سکیں گے۔اگر جنگ جاری رہتی ہے تو بے گھر نوآباد کاروں کی تعداد میں لاکھوں کا اضافہ ہوگا، شاید ۲۰؍ لاکھ سے زیادہ لوگ خطرے میں ہوں گے۔‘‘

یہ بھی پڑھئے: غزہ اور لبنان میں اسرائیل کے سفاکانہ حملے

قاسم نے فخریہ انداز میں کہا کہ مزاحمت کو شکست نہیں دی جا سکتی، کیونکہ ان کی زمین ہے، چونکہ اس کے جنگ باز جاں باز ہیں جنہوں نے عزت کی زندگی کو ترجیح دی،اور تمہاری (اسرائیلی) فوج شکست خوردہ ہے، اسے مزید شکست ہوگی۔‘‘ حزب اللہ کا کہناہے کہ اس نے منگل کو اسرائیل کے شمالی شہر حائفہ پر بڑا راکٹ حملہ کیا ہے۔حزب اللہ نے ایک بیان میں کہا کہ لبنان کے شمالی پڑوسی پر اسرائیل کے حملوں کے جواب میں لبنان اور اس کے عوام کے دفاع کے پیش نظر حملے کا آغاز کیا گیا ہے۔