انڈیاز گوٹ لیٹنٹ تنازع کے درمیان، مرکز نے او ٹی ٹی پلیٹ فارم کو نوٹس جاری کیا ہے۔ اس نوٹس میں ان پلیٹ فارمز کو ضابطہ اخلاق پر عمل کرنے کی ہدایت دی گئی ہے۔

انڈیاز گوٹ لیٹنٹ تنازع کے درمیان، مرکز نے او ٹی ٹی پلیٹ فارم کو نوٹس جاری کیا ہے۔ اس نوٹس میں ان پلیٹ فارمز کو ضابطہ اخلاق پر عمل کرنے کی ہدایت دی گئی ہے۔ تاہم، ایڈوائزری کا اطلاق ویڈیو اسٹریمنگ پلیٹ فارم یوٹیوب پر نہیں ہوگا۔ آئی ٹی رولز (۲۰۲۱ء) ایک ضابطہ اخلاق پر عمل کرنے اور تنقیدی خود ضابطے کو یقینی بنانے اور بچوں کو’ `اے‘ ریٹیڈ مواد استعمال کرنے سے روکنے کیلئے رسائی کے کنٹرول کو نافذ کرنے کی تنبیہ کرتے ہیں۔ 
او ٹی ٹی پلیٹ فارمز کو نوٹس جاری کیا گیا
وزارت اطلاعات و نشریات کا یہ نوٹس اسٹینڈ اپ کامیڈی شو `’انڈیاز گوٹ لیٹنٹ‘ کے متنازع ایپی سوڈ کے بعد آیا ہے جس میں رنویر الہ آبادیہ نے `فحش تبصرے کئےتھے۔ حکومت کے حکم کے بعد شو کے اس ایپی سوڈ کو یوٹیوب سے ہٹا دیا گیا ہے۔ 

یہ بھی پڑھئے: وہاٹس ایپ گروپ کا حصہ ہونا مجرمانہ سرگرمی کا ثبوت نہیں: عمر خالد

مواد کو قانون کی پاسداری کرتے ہوئے اپ لوڈ کرنا چاہئے 
حکومت نے اس بات پر زور دیا کہ قانون کے مطابق، او ٹی ٹی پلیٹ فارمز پرکوئی ایسا مواد شیئر نہیں کرنا چاہئے جو ممنوع ہو۔ عمر کی بنیاد پر مواد کی درجہ بندی کی جانی چاہئے۔ نوٹس میں کہا گیا ہے کہ قواعد کے مطابق او ٹی ٹی پلیٹ فارمز کے سیلف ریگولیٹری اداروں کو کوڈ آف ایتھکس کی تعمیل کی نگرانی کو یقینی بنانا چاہئے۔ 
ضابطہ اخلاق کو ذہن میں رکھیں 
نوٹس میں کہا گیا ہے کہ ان سب کے پیش نظر یہ مشورہ دیا جاتا ہے کہ او ٹی ٹی پلیٹ فارمز پر مواد کو اپ لوڈ کرتے وقت، قابل اطلاق قوانین کی مختلف دفعات اور آئی ٹی رولز۲۰۲۱ء کے تحت مقرر کردہ ضابطہ اخلاق کی پیروی کی جائے۔ ضابطہ اخلاق کے تحت تجویز کردہ عمر کی بنیاد پرمواد کی درجہ بندی پر سختی سے عمل کیا جائے۔