ہندوستانی نژاد امریکی اداکارہ اور مین گرل کی اسٹار اونتیکا وندناپو کو امریکہ کی ہارورڈ یونیورسٹی نے ساؤتھ ایشین پرسن آف دی ایئر کے ایوارڈ سے نوازا ہے۔ انہوں نے اپنی تقریر میں کہا کہ میں اپنا یہ ایوارڈ غزہ کے لوگوں اور وہ لوگ جوغزہ میں ہمارے لوگوں کیلئے لڑ رہے ہیں، کے نام کرتی ہوں۔

ہندوستانی نژاد امریکی اداکارہ اور ’مین گرل‘‘ کی اسٹار اونتیکا وندناپوکو ہارورڈ یونیورسٹی نے ۱۰؍ اپریل کو ساؤتھ ایشین پرسن آف دی ایئر کے ایوارڈ سے نوازا ہے۔ انہوں نے یہ اعزاز حاصل کرنے کے بعد اپنی  تقریر میں کہا کہ ’’ میں فخر محسوس کر رہی ہوں کہ میں آج یہاں موجود ہوں کیونکہ ساؤتھ ایشین پرسن آف دی ایئرکا ایوارڈ حاصل کرنا فخر کی بات ہے اور میں اپنا یہ ایوارڈ غزہ کے لوگوں اور ہمارے ان بھائی بہنوں کو وقف کرنا چاہتی ہوں جو غزہ میں ہمارے لوگوں کیلئے لڑ رہے ہیں۔

یہ بھی پڑھئے: مدینہ میں نمازیوں اور راہگیروں کو مفت چائے اور کافی پلانے والے اسماعیل الزائم انتقال کرگئے

مجھے لگتا ہے کہ یہ وہ لوگ ہے جو دنیا کو ناانصافی ، تشدد اور جبر سے پاک کر رہے ہیں۔میں اپنا یہ ایوارڈ ہمارے انسانی ہمدردی کے رہنماؤں اور ورلڈ سینٹرل کچن کے ان افراد کو جنہیں ہم نے اس ہفتے کھویا ہے، کے نام وقف کرتی ہوں۔ 

Indian American actor Avantika Vandanapu was named as “South Asian Person of the Year” by Harvard University.

We all know if foreign institutions are giving an award to you then you must do something for them.

Avantika sold her soul & dedicated this award to “her” people of… pic.twitter.com/k5qKp6TtH1

— Incognito (@Incognito_qfs) April 15, 2024

۱۹؍ سالہ اونتیکا وندناپو اپنی شاندار کامیابیوں اور قومی اور بین الاقوامی سطح پر انٹرٹینمینٹ انڈسٹری پر اپنے تاثرات کیلئے جانی جاتی ہیں۔ انہوں نے مزید کہا کہ ’’ہارورڈ یونیورسٹی جیسے باوقار ادارے کا اعزاز حاصل کرنافخر کی بات ہے ۔یہ اعزاز نہ صرف یہ کہ میری جدوجہد کا اعتراف ہے بلکہ دونوں ممالک کے باہمی تعلقات اور عالمی میڈیا میں ہندوستانی نمائندے کے اہم کردار کا بھی ترجمان ہے۔‘‘

"Bravo!! Indian-American actor Avantika Vandanapu dedicates South Asian Person of The Year award to Gaza"#GazaGenocide #Indian pic.twitter.com/iZiIYqyjNF

— Rita (@MukandRita) April 17, 2024

اونتیکا وندناپو حیدرآباد میں ایک تیلگو خاندان میںپیدا ہوئی تھی ۔ انہوں نے متعدد بالی ووڈ فلموں جیسے مین گرل، اسپن، سینئر ایئرمیں کام کیا ہے اور ہندوستانی اوٹی ٹی سیریز ’’بگ گرل ڈونٹ کرائے‘‘ کے ذریعے ہندوستانی سنیما میں قدم رکھا ہے۔