اسرائیلی طیاروں نے شمالی غزہ میں حماس لیڈر اسماعیل ہانیہ کے گھر پر بمباری کی، جس کے نتیجے میں ان کی بہن سمیت۱۰؍ افراد جاں  بحق ہوگئے۔

اسرائیلی طیاروں نے شمالی غزہ میں حماس لیڈر اسماعیل ہانیہ کے گھر پر بمباری کی، جس کے نتیجے میں ان کی بہن سمیت۱۰؍ افراد جاں  بحق ہوگئے۔ غیرملکی خبررساں ایجنسی کے مطابق حملوں میں شہید ہونے والوں میں اسمٰعیل ہانیہ کے خاندان کے دیگر افراد بھی شامل ہیں۔ 

یہ بھی پڑھئے: شہباز شریف کی آپریشن’عزم استحکام‘ کے حوالےسے کابینہ کو اعتماد میں لینے کی کوشش

دوسری جانب صہیونی فوج نے غزہ میں امداد کے منتظر فلسطینیوں پر حملہ کر دیا، جس کے سبب مزید ۸؍فلسطینی شہید ہوگئے، اسرائیلی فوج نےخان یونس میں غذائی قلت سےدوچار فلسطینیوں کو نشانہ بنایا۔ ۲۴؍ گھنٹوں کے دوران ۲۸؍ فلسطینی اسرائیلی دہشت گردی کا نشانہ بنے، شہداء کی مجموعی تعداد ۳۷؍ ہزار ۶۲۶؍ سے تجاوز کر گئی، جبکہ۸۶؍ ہزار ۹۸؍ زخمی افراد زخمی ہیں۔ حکام کا کہنا تھا کہ ہزاروں فلسطینی بچے تاحال ملبے تلے پھنسے ہوئے ہیں۔ مرکز اطلاعات فلسطین کی ایک دیگر رپورٹ کے مطابق فلسطینی شہری دفاع نے کہا ہے کہ اسرائیلی فوج نےگزشتہ۴۸؍ گھنٹوں کے اندر غزہ میں بے گھر افراد کے۴؍ مراکز اور۱۱؍ مکانات کو نشانہ بنایا۔ سول ڈیفنس نے مزید کہا کہ اس کے عملے کو گزشتہ۴۸؍ گھنٹوں کے دوران بے گھر افراد، صحت کے کلینکس، انسانی خدمات فراہم کرنے والوں کے ساتھ ساتھ شہریوں کے مراکز کو نشانہ بنانے والے حملوں میں نمایاں اضافے کی اطلاعات ملی ہیں۔