اسرائیلی دعوے کے بعد حزب اللہ نے بھی کہاکہ ہاشم صفی الدین سے رابطہ نہیں ہورہا۔
EPAPER
Updated: October 06, 2024, 10:46 AM IST | Bairut
اسرائیلی دعوے کے بعد حزب اللہ نے بھی کہاکہ ہاشم صفی الدین سے رابطہ نہیں ہورہا۔
اسرائیلی فورسیز نے جمعرات اور جمعہ کے شدید حملوں کے بعد حزب اللہ کے دوسرے سینئر ترین لیڈر ہاشم صفی الدین کو شہید کردینے کا دعویٰ کیا تھا ۔ حزب اللہ نے ابتدا میں اس کی تصدیق سے گریز کیا مگر سنیچر کو اعتراف کیا کہ اسرائیلی حملے کے بعد سے ان سے رابطہ نہیں ہوسکاہے۔ حزب اللہ کے اس اعلان کوتنظیم کے کارکنوں کو ہاشم صفی الدین کی شہادت کی خبر کیلئے ذہنی طور پر تیار کرنے کی حکمت عملی کے طور پر دیکھا جارہاہے۔
رائے دہندگان میں بیداری کیلئے الیکشن کمیشن کی خصوصی مہم
ہاشم صفی الدین کی شہادت حزب اللہ کیلئے شدید جھٹکا ہوگا کیوں کہ انہیں حسن نصرا للہ کے جانشین اور تنظیم کے اگلے سیکریٹری جنرل کے طور پر دیکھا جارہاتھا۔ اس سے قبل اسرائیلی فوج کے ترجمان نے دعویٰ کیاتھا کہ بیروت کے نواحی علاقے الضاحیہ میں اسرائیلی حملوں میں حزب اللہ کی دوسری اہم ترین شخصیت ہاشم صفی الدین اور ان کے ساتھ موجود تمام افراد قتل ہوگئے۔ حملے میں حزب اللہ کے مواصلات کے نظام کے سربراہ محمد رشید سکافی کو بھی نشانہ بنایا گیا۔اسرائیلی میڈیا کے مطابق یہ حملہ اُس حملے سے بھی زیادہ شدید تھا جس میں حزب اللہ کے سربراہ حسن نصر اللہ کو نشانہ بنایا گیا تھا۔