جی ۷؍ کے وزرائے خارجہ نے اٹلی میں ایک میٹنگ کے دوران رفح میں اسرائیل کے فوجی آپریشن کی مخالفت کی اور کہا کہ اس کے شہریوں کی زندگی پر تباہ کن نتائج سامنے آسکتے ہیں۔ وزراء نے کہا کہ انہیں غزہ میں اسرائیلی جارحیت کے نتیجے میں بڑے پیمانےپر انسانی جانوں کے نقصان پر افسوس ہے۔

جی ۷؍ ممالک کے وزرائے خارجہ نے رفح میں اسرائیل کے مکمل فوجی آپریشن کی مخالف کرتے ہیں کیونکہ اس کے شہریوں کی زندگی پر تباہ کن نتائج سامنے آسکتے ہیں۔ اٹلی ، برطانیہ، امریکہ، فرانس ، جرمنی، جاپان اور کنیڈا کے وزراء نے جمعہ کو غزہ میں اسرائیلی جارحیت کے نتیجے میں ہلاک ہونے والے شہریوں کی ناقابل قبول تعداد پر بھی تنقید کی۔

During our G7 meeting today, we discussed continued efforts to secure a ceasefire deal in Gaza that includes the release of hostages.

We also made clear we are committed to Israel’s security and condemn Iran’s unprecedented attack. pic.twitter.com/WV7lFcTWfe

— Secretary Antony Blinken (@SecBlinken) April 18, 2024

خیال رہے کہ اسرائیل نے فلسطینی سرزمین کے خلاف جنگ میںرفح میں فوج بھیجنے کا عزم ظاہر کیا تھا۔ وزراء نے اپنے بیان میں کہا کہ ہم رفح میں اسرائیل کے فوجی آپریشن کی اپنی مخالفت کو دہراتے ہیں جس کے فلسطینی شہریوں کیلئے تباہ کن نتائج سامنے آسکتے ہیں۔ 

یہ بھی پڑھئے: اسرائیلی قید میں فلسطینیوں کے ساتھ توہین آمیز سلوک کیا جا رہا ہے: اقوام متحدہ

ہمیں شہریوں کی جانوں کے نقصان پر افسوس ہے: جی ۷؍ کے وزراء
واضح رہے کہ غزہ میں اسرائیل کو اپنی جارحیت کیلئے عالمی مخالفتوں کا سامنا کرنا پڑ رہا ہے جس نے محصور خطے کو ملبے میں تبدیل کر دیا ہے۔ جی ۷؍ کے وزراءنے اٹلی میں میٹنگ کے دوران کہا کہ ’’ہمیں شہریوں کی جانوں کے نقصان پر افسوس ہے۔‘‘

The @G7 meeting wrapped up.

Last item on the agenda was security in the Indo-Pacific.

The reports on strikes in the Middle East gathered great attention. “We call on actors to show restraint”, said HRVP @JosepBorrellF.

Transcript: https://t.co/f0wIQjxdb6. pic.twitter.com/xpIFwEPEWl

— European External Action Service - EEAS 🇪🇺 (@eu_eeas) April 19, 2024

انہوں نے مزید کہا کہ ہمیں غزہ میں اسرائیلی جارحیت کے نتیجے میں ہلاک ہونے والے شہریوں کی ناقابل قبول تعداد پر تشویش ہے جن میں سیکڑوں بچے اور خواتین بھی شامل ہیں۔خیال رہے کہ ۷؍ اکتوبر کو حماس کے حملے کے بعد غزہ میں اسرائیل نے اپنی فوجی کارروائیاں شروع کی تھیں جس کے نتیجے میں ۳۳؍ ہزار سے زائد فلسطینی جاں بحق جبکہ ۷۶؍ ہزار سے زائد زخمی ہو چکے ہیں۔ اسرائیلی حملوں کے سبب غزہ کا ۶۰؍ فیصد ڈھانچہ تباہ ہو گیا ہے جبکہ متعدد رعمارتیں ملبےمیں تبدیل ہو گئی ہیں۔ خطے کا سب سے بڑا اسپتال ، الشفاء اسپتال غیر فعال ہو گیا ہے جبکہ غزہ کے ہیلتھ کیئر سسٹم کو بھی کافی نقصان پہنچا ہے۔

غزہ میں اسرائیلی حملوں کے نتیجے میں تباہی کا منظر۔ تصویر: ایکس