ہندوستان بھر میں تیز رفتار انٹرنیٹ کو یقینی بنانے کیلئے بھارتی ایئرٹیل اور جیو نے ایلون مسک کی کمپنی اسپیس ایکس کے ساتھ معاہدہ کیا ہے جس کے تحت اسٹار لنک کی خدمات ملک بھر دستیاب ہوں گی۔ تاہم، حکومت ہند کی جانب سے منظوری ملنے کے بعد ہی یہ معاہدہ تکمیل کو پہنچے گا۔

ہندوستان میں بھارتی ایئرٹیل کی ایلون مسک کی کمپنی اسپیس ایکس کے معاہدے کے چند گھنٹوں بعد جیو پلیٹ فارمز نے بھی اسی کمپنی (اسپیس ایکس) کے ساتھ معاہدے کا اعلان کیا ہے۔تاہم، یہ معاہدہ اسپیس ایکس کے ملک میں کام شروع کرنے سے پہلے حکومت کی منظوری پر منحصر ہے۔ معاہدے کے تحت، جیو اپنے ریٹیل اسٹورز اور آن لائن پلیٹ فارمز میں اسپیس ایکس کے برانڈ اسٹار لنک کا سامان دستیاب کرائے گا جبکہ انسٹالیشن سپورٹ بھی فراہم کرے گا۔ واضح رہے کہ ایئرٹیل نے بھی اپنے صارفین کو ٹھیک یہی خدمات دینے کا اعلان کیا ہے۔

یہ بھی پڑھئے:پاکستان ٹرین ہائی جیک: ۱۵۵؍ یرغمالوں کو بچالیا گیا، بی ایل اے ۲۷؍ ممبر مارے گئے

دونوں ہندوستانی ٹیلی کام کمپنیاں اب نہ صرف روایتی براڈ بینڈ بلکہ سیٹیلائٹ انٹرنیٹ اسپیس میں بھی مقابلہ کرنے کیلئے تیار ہیں۔ دونوں سودے اس شرط سے مشروط ہیں کہ اسٹار لنک کو ملک میں کام شروع کرنے کیلئے حکومت کی منظوری مل جائے۔ اس ضمن میں اسپیس ایکس کے صدر اور چیف آپریٹنگ آفیسر گیوین شاٹ ویل نے کہا کہ ’’ہم ہندوستان میں کمیونکیشن کو مستحکم کرنے کیلئے جیو کے عزم کی تعریف کرتے ہیں۔ ہم جیو کے ساتھ کام کرنے اور زیادہ سے زیادہ لوگوں، تنظیموں اور کاروباروں کو اسٹارلنک کی تیز رفتار انٹرنیٹ خدمات تک رسائی فراہم کرنے کیلئے حکومت ہند سے اجازت حاصل کرنے کے منتظر ہیں۔‘‘

Airtel announces an agreement with @SpaceX to bring Starlink’s high-speed internet services to its customers in India. This is the first agreement to be signed in India, which is subject to SpaceX receiving its own authorizations to sell @Starlink in India. It enables Airtel and… pic.twitter.com/5MxViKxh9C

— Bharti Airtel (@airtelnews) March 11, 2025

خیال رہے کہ جیو اور ایئرٹیل کے اسپیس ایکس سے جڑ جانے کے بعد ملک بھر میں انٹرنیٹ کی رفتار کافی تیز ہوجائے گی اور انٹرنیٹ ملک کے ان حصوں میں بھی پہنچ سکے گا جہاں ابھی یہ دستیاب نہیں ہے، یا سگنلز کافی کمزور ہیں۔ جیو کے گروپ سی ای او میتھیو اومن نے کہا کہ ’’ہمیں اس بات کو یقینی بنانا کہ ہر ہندوستانی، چاہے وہ کہیں بھی رہتا ہو، سستا اور تیز رفتار براڈ بینڈ تک رسائی حاصل کرے۔ یہ جیو کی اولین ترجیح ہے۔ ‘‘اس پیش رفت کے بعد ایئرٹیل اور جیو کے شیئرز کی قیمتوں میں اچھال آیا ہے۔

Stars are aligned! ⭐🚀

Jio + @SpaceX = @Starlink for #DigitalIndia#WithLoveFromJio pic.twitter.com/oPDdaCcm5o

— Reliance Jio (@reliancejio) March 12, 2025