۶۵؍ طلباء و طالبات نےحصہ لیا جنہیں ٹرافی میڈل، سرٹیفکیٹ اور تسبیح سے نوازا گیا۔

یہاں کےالاتحاد اُردو  اسکول   میں رمضان المبارک میں طلبہ کو دینی تعلیم کی  ترغیب دینےکیلئےسورہ یٰسین حفظ کرنے کی مہم چلائی گئی  جس میں پانچویں تاآٹھویں جماعت کے ۶۵؍ طلبہ نے حصہ لیا ۔مہم کےدوران ۱۰؍طلبہ نے پوراسورہ یٰسین جبکہ دیگر طلبہ نےاپنی استطاعت کے مطابق حفظ کیا۔ جمعرات کو اس تعلق سےمنعقدہ جلسہ تقسیم انعامات میں طلبہ کو ٹرافی اور سرٹیفکیٹ سے نوازاگیا۔
 ماہ رمضان کی برکات انوار ان خوش نصیب طلبہ کی محنت اور لگن کو اجاگر کرتی ہے جنہوں نے اپنی روز مرہ کی تعلیمی سرگرمیاں مع امتحانات کی تیاری، گھریلو کام، ٹیوشن، روزانہ کی تلاوت، تراویح اور نمازوں کے ساتھ صرف ۱۵؍ دنوں میں سورہ یٰسین حفظ کرنے کی سعادت حاصل کی۔ یہ ایک قابل تحسین کارنامہ ہے ۔تقریباً ۶۵؍ طلبہ نے اس مبارک عمل میں بڑھ چڑھ کر حصہ لیا جن میں سے ۱۰؍طلبہ نے پانچ رکوع پر مبنی سورہ یٰسین مکمل طور پر یاد کی، ۲۵؍طلبہ نے تین رکوع یا اس سے زیادہ اور۱۸؍بچوں نے ۲؍ رکوع سے زیادہ سورہ یٰسین یاد کرنے کی کوشش کی۔ ۱۲؍طلبہ نے ایک رکوع تک یاد کیا۔

یہ بھی پڑھئے: کنال کامراکو چنئی ہائی کورٹ سے راحت، گرفتاری پر روک

مذکورہ اسکول   کے سینئر معلم شیخ اخلاق احمد نے بتایاکہ ’’اس مہم کا مقصد طلبہ کوقران پاک کی اہم سورتوں کو یاد کرنے کی ترغیب دینا تھی۔ ۲؍ رکوع سے زیادہ یٰسین شریف حفظ کرنے والے طلبہ کو ٹرافی سے نوازا گیا ساتھ ہی اس سرگرمی میں حصہ لینے والے تمام طلبہ کو میڈل، سرٹیفکیٹ اور تسبیحات سے نوازا گیا۔