گزشتہ کئی دنوں سے کلیان مشرق کے مختلف علاقوں میں غیر اعلانیہ لوڈشیڈنگ کا سلسلہ جاری ہے اور مسلسل کئی گھنٹوں تک بجلی بند رہنے سے شہریوں کو دقتوں کا سامنا کرنا پڑ رہا ہے۔

شتہ کئی دنوں سے کلیان مشرق کے مختلف علاقوں میں غیر اعلانیہ لوڈشیڈنگ کا سلسلہ جاری ہے اور مسلسل کئی گھنٹوں تک بجلی بند رہنے سے شہریوں کو دقتوں کا سامنا کرنا پڑ رہا ہے۔ دوسری جانب شہریوں کا الزام ہے کہ مہاوترن کمپنی کے افسران سے باز پرس کرنے پر وہ ترش لہجہ میں بات کرتے اور کسی طرح کا کوئی تسلی بخش جواب نہیں دیتے ہیں۔ بار بار بار بجلی جانے اور محکمہ کے افسران کی  بدکلامی سے ناراض سابق کارپوریٹر نے منگل کو مہاوترن کے دفتر پہنچ کر  افسران کو قندیل پیش کی۔

یہ بھی پڑھئے: ۲۰۰؍ یونٹ بجلی مفت سپلائی کی جائے :رئیس شیخ

عیاں رہے کہ کلیان مشرق کے بیشتر علاقوں میں غیر اعلانیہ طور پر لوڈ شیڈنگ کی جارہی ہے۔عام طور پر موسم سرما میں بجلی کی کھپت گرمیوں کے مقابلے کم ہوتی ہے مگر اس مرتبہ سردیوں میں بھی کئی کئی گھنٹوں تک بجلی نہیں رہتی ہے ۔اس کی وجہ سے شہریوں اور اسکولی طلبہ کو پریشانی اٹھانی پڑ رہی ہے۔ اس ضمن میں جب شہریوں نے مہاوترن کے دفتر پہنچ کر  باز پرس کی تو انہیں کوئی جواب نہیں ملا۔ 
دریں اثنا منگل کو سابق کارپوریٹر مہیش گائیکواڑ کی قیادت میں شہریوں کےایک وفد نے مہاوترن کمپنی کے دفتر پہنچ کر ایگزیکیٹو انجینئر چندرمنی مشرا سے ملاقات کی اور احتجاجاً انہیں ایک قندیل پیش کی اور میمورنڈم بھی دیا۔ اس موقع پر مہیش گائیکواڑ نے انتباہ دیا کہ اگر ۱۵؍ دنوں کے اندر بجلی سپلائی کو درست نہیں کیا گیا وہ سڑکوں پر اتر کر احتجاج کریں گے۔ شہریوں کو ہونے والی تکلیف ناقابل برداشت ہے۔