کرناٹک ہندوستان کی پہلی ریاست بن گئی جس نے شدید بیمارکیلئے’’ `مرنے کے حق‘‘(right to die) کی اجازت دی ہے۔ ریاستی وزیر صحت دنیش گنڈو راؤ نے اسے تاریخی حکم قرار دیا۔

کرناٹک حکومت نے با عزت موت کی درخواستوں کی سہولت کیلئے ریاست بھر کے اسپتالوں میں میڈیکل بورڈ قائم کرنے کا حکم جاری کیا ہے۔ یہ اقدام۲۰۲۳ء کے سپریم کورٹ کے فیصلے کے بعد کیا گیا ہے جس میں آرٹیکل ۲۱؍کے تحت زندگی کے حق کی تشریح کی گئی ہے جس میں عزت کے ساتھ مرنے کے حق کو شامل کیا گیا ہے۔ ریاستی وزیر صحت دنیش گنڈو راؤ نے ۳۱؍ جنوری کو اس فیصلے کا اعلان کرتے ہوئے اسے `ایک ’’تاریخی حکم‘‘قرار دیا جو سپریم کورٹ کی ہدایت کے مطابق ہے۔ 

یہ بھی پڑھئے: وقف ترمیمی بل ۲۰۲۴ء: کل لوک سبھا میں جے پی سی رپورٹ پیش کی جائے گی

بتا دیں کہ ہدایت کا اطلاق ایسے حالات میں مریضوں پر ہوتا ہے، جس سے وہ قانونی اور طبی فریم ورک کے ذریعے امداد حاصل کر سکتے ہیں۔