کینیا کی نیئری کاؤنٹی میں واقع اسکول میں آتشزدگی کے نتیجے میں ۱۷؍ طلبہ ہلاک ہوئے ہیں جبکہ ۱۳؍ شدید زخمی ہیں۔ پولیس کے مطابق حادثہ اتنا خطرناک تھا کہ مہلوک بچوں کی تعداد میں اضافہ کے امکانات ہیں۔ کینیا کے صدر ولیم روٹو نے حادثے کو تباہ کن قرار دیتے ہوئے تفتیش کا حکم جاری کیا ہے۔

کینیا کی ایک بورڈنگ اسکول میں آتشزدگی کے نتیجےمیں ۱۷؍ بچے ہلاک ہوئے ہیں جبکہ ۱۳؍ شدید زخمی ہیں۔ کینیا کی پولیس نے جمعہ کو اپنے بیان میں کہا کہ مہلوکین کی تعداد بڑھنے کے امکانات ہیں۔ اس پرائمری اسکول میں تقریباً ۸۰۰؍ بچے زیر تعلیم ہیں، جن کی عمریں ۵؍ تا ۱۲؍ سال کے درمیان ہیں۔ پولیس کے مطابق مہلوک طلبہ کی اوسط عمر ۹؍ سال کے قریب ہے۔

Parents, teachers and DCI officers arrive at Hillside Endarasha Academy in Kieni, Nyeri county following a fire tragedy that left 17 pupils dead on Thursday night.

The affected parents and the students are undergoing counselling in separate rooms.

📸 Wangare Mwangi/KNA pic.twitter.com/SaEVoF8B2n

— TheStarKenya (@TheStarKenya) September 6, 2024

پولیس ترجمان رسیلا اونیانگو نے کہا کہ کینیا کی نیئری کاؤنٹی میں واقع ہل سائیڈ اینداراشا پرائمری بورڈنگ اسکول میں آگ لگنے کی وجہ معلوم کی جارہی ہے۔ اس کے بعد ہی ضروری کارروائی عمل میں آئے گی ۔ خبر رساں ایجنسی اے ایف پی کے مطابق انہوں نے کہا کہ جائے حادثہ سے برآمد کی گئی لاشیں اس حد تک جل گئی تھیں کہ ان کی شناخت بھی نہیں کی جاسکتی تھی۔ پولیس کے مطابق نصف رات میں آگ بھڑک اٹھی تھی جب بچے سورہے تھے۔

یہ بھی پڑھئے: روس: ولادمیر پوتین نے امریکی صدارتی انتخاب میں کملا ہیرس کی حمایت کا اعلان کیا

کینیا ریڈ کراس نے جائے حادثہ پر مدد کیلئے ٹیمیں بھیجی تھیں۔ ایکس پوسٹ میں ایجنسی نے کہا ہے کہ وہ بچوں، والدین اور متاثرہ خاندانوں کو نفسیاتی تعاون فراہم کر رہی ہے۔ کینیا کے صدر ولیم روٹو نے اس خبر کو تباہ کن قرار دیا ہے اور اس حادثے کیلئے ذمہ دار افراد کے خلاف ضرروری کارروائی کی یقین دہانی کرائی ہے۔

At least 16 pupils have been confirmed dead following a fire outbreak in one of the dormitories at Hillside Endarasha Academy in Kieni West, Nyeri County.

The deceased students were burnt beyond recognition in the Thursday night inferno.
(SWIPE)
🎥 @citizentvkenya #NRG254 pic.twitter.com/kW7l7tEtwb

— #Payless Radio (@NRGRadioKenya) September 6, 2024

انہوں نےایکس پر اپنے پوسٹ میں لکھا ہے کہ میں نے متعلقہ حکام کو ہدایت دی ہے کہ وہ اس تباہ کن حادثے کی فوری تفتیش کرے۔اس حادثے کیلئے جو ذمہ دار ہے اسے کے خلاف کارروائی کی جائے گی۔ 

یہ بھی پڑھئے: روس: ولادمیر پوتین نے امریکی صدارتی انتخاب میں کملا ہیرس کی حمایت کا اعلان کیا

کینیا کے نائب صدر ریگاتھی گچاگوانے اسکول منتظمین سے اپیل کی ہے کہ وہ اس بات کی یقین دہانی کرائیں گے بورڈنگ اسکولیں وزارت تعلیم کی جانب سے جاری کے گئے تحفظاتی اقدامات کریں۔ خیال رہے کہ کینیا کی بورڈنگ اسکولوں میں آتشزدگی عام ہوگئی ہےجہاں سیکڑوں طلبہ زیر تعلیم ہوتے ہیں کیونکہ ان کے والدین سمجھتے ہیں کہ بچے اسکول جانے اور آنے کیلئے درکار وقت سے بچ کر وہاں تعلیم کو زیادہ وقت دے سکیں گے۔