نصف مارچ سے جاری موسلا دھار بارش اور سیلاب کی وجہ سے کینیا میں وزرات تعلیم نے ایک ہفتے تک اسکولوں کو بند رکھنے کا فیصلہ کیا ہے۔ ملک میں سیلاب سے متعلقہ معاملات میں اموات کی تعداد ۱۰۰؍ ہو گئی ہے۔ مقامی میڈیا کے مطابق ۱۰۰؍ اسکولیں سیلاب زدہ ہیں جن میں سے متعدد کی دیواریں گر گئی ہیں جبکہ کچھ کی چھتیں اڑ گئی ہیں۔

موسلا دھار بارش اور سیلاب کے بعد کینیا نے اسکولوں کو ایک ہفتے تک بند رکھنے کا فیصلہ کیا ہے۔ خیال رہے کہ نصف مارچ سے اب تک مشرقی افریقی ملک میں سیلاب سے متعلقہ اموات کی تعداد ۱۰۰؍ہو گئی ہے۔ ملک کی وزرات تعلیم نے بتایا کہ سیلاب کی وجہ سے متعدد اسکولیں متاثر ہوئی ہیں۔مقامی میڈیا نے رپورٹ کیا ہے کہ تقریباً ۱۰۰؍ اسکولیں سیلاب زدہ ہیں، جن میں سے متعدد کی دیواریں گر گئی ہیں جبکہ کچھ کی چھتیں اڑ گئی ہیں۔

یہ بھی پڑھئے: ’’ بی جے پی کو ۴۰۰؍سے زائد سیٹیں اسلئے چاہئے کیونکہ وہ آئین بدلنا چاہتی ہے‘‘

کینیا میں اسکولیں آج کھلنے والی تھیں لیکن وزرات تعلیم کے فیصلے کے بعد تمام اسکولیں ۶؍ مئی کو کھولی جائیں گی۔ ملک میں سیلاب کی وجہ سے اب تک ۹۳؍ افراد کی موت ہوئی ہےجبکہ مشرقی گاریسا کاؤنٹی میں ایک کشتی کے غر ق آب ہونے کی وجہ سےاموات کے بڑھنے کے امکانات ہیں۔ خیال رہے کہ نصف مارچ سے ملک میں بھاری بارش کا سلسلہ جاری ہے جبکہ محکمہ ٔ موسمیات نے مزید بارش سے بھی متنبہ کیا ہے۔ 

Education Cabinet Secretary Dr Ezekiel Machogu extends schools’ second term opening dates by one week to May 6, 2024 due to ongoing heavy rains pic.twitter.com/hUF8Cfk9IG

— EduMinKenya (@EduMinKenya) April 28, 2024

تنزانیا میں ۱۵۵؍ افراد کی موت، پرونڈی میں ۲؍ لاکھ افراد سیلاب سے متاثر
مشرقی ملک بھاری بارش کے سبب سیلاب کا سامنا کر رہا ہے جس کے نتیجے میں تنزانیا میں اب تک ۱۵۵؍ افراد کی موت ہوگئی ہے جبکہ برونڈی میں  ۲؍ لاکھ افراد سیلاب سے متاثر ہیں۔ پولیس کے مطابق کینیا میں سب سے زیادہ اموات نیروبی میں درج کی گئی ہیں۔ ہفتے کے روز کینیا کا اہم ہوائی اڈہ سیلاب کی زد میں آگیاتھاجس کی وجہ سے متعدد پروازوں کے راستے تبدیل کرنے پڑے تھے۔

Heavy flooding in Tanzania and Kenya has taken at least 70 lives. If that’s not bad enough, more rain is expected.

This is further confirmation of Hanke’s School Boy’s Theory of History: It’s just one damn thing after another.pic.twitter.com/mNzV7DLcW5

— Steve Hanke (@steve_hanke) April 26, 2024

اس ضمن میں ایئر پورٹ کے مینیجر ہینری کیگویے نے کہا کہ ری فربشمنٹ کے جاری کام کی وجہ سے ایئر پورٹ سیلاب کی زد میں آگیا تھا جو  جو ن میں مکمل ہونے والا تھا۔ سیلاب کی وجہ سے کانٹریکٹر کے ذریعے نصب کردہ پانی کی نکاسی کا سسٹم بھی بہہ گیا۔ ملک بھر میں ۲؍ لاکھ افراد سیلاب سے متاثر ہوئے ہیں۔ لوگوں کے گھر بہہ گئے ہیں اور وہ عارضی شیلٹرز میں پناہ لینے پر مجبور ہیں۔ کینیا کے صدر ولیم روٹو نے قومی یوتھ سروس کو ہدایت دی کہ وہ متاثرین کو عارضی زمین فراہم کریں تا کہ وہ اس پر کیمپ بنا کر رہیں۔