کیرالا میں اپنی طرز کا ایک ایسا واقعہ پیش آیا جس نے کار ڈرائیور وں کی سنجیدگی ، اور حساسیت پر ہی سوال کھڑے کر دئے، ساتھ ہی ٹرافک کے اصولوں سے ناواقفیت کوا جاگر کر دیا ، جب ایک کار ڈرائیور نے ایمبولینس کوآگے جانے نہیں دیا، پولیس نے اس خلاف کارروائی کرتے ہوئے ڈھائی لاکھ کا جرمانہ عائد کرنے کے ساتھ ہی اس کا لائسنس بھی منسوخ کر دیا۔

کیرالا پولیس نے تھریسور میں مبینہ طور پرایک نجی گاڑی کے مالک کا لائسنس منسوخ کر دیا ہے اور ایمبولینس کا راستہ روکنے پر ڈھائی لاکھ روپے کا بھاری جرمانہ عائد کیا ہے۔ ٹائمز ناؤ کی ایک رپورٹ کے مطابق، یہ واقعہ ۷؍نومبر کو تھریسور میڈیکل کالج جانے والے چالاکڈی راستے پر پیش آیا۔ تاہم، کچھ رپورٹس بتاتی ہیں کہ ایمبولینس پونانی سے سفر کر رہی تھی۔ ڈیش کیم فوٹیج کا ایک ویڈیو سوشل میڈیا پر وائرل ہوا جس کے بعد کیرالا پولیس نے تیزی سے کارروائی کی۔دو منٹ طویل ڈیش کیم فوٹیج میں دکھایا گیا ہے کہ ایمبولینس ایک سلور ماروتی سوزوکی کار کو سڑک کے ایک تنگ، دو لین والے حصے پر قریب سے ٹکراتی ہے۔ ایمبولینس کا ڈرائیور مسلسل ہارن اور سائرن بجاتا ہے، لیکن کار کا ڈرائیور بظاہرایمبولینس کو گزرنے نہیں دیتا۔ یہاں تک کہ وہ ایمبولینس کےآگے جانے کی ہر کوشش کو روکتا نظر آتا ہے۔

Such an insane & inhuman act.

A car owner in Kerala has been fined Rs/- 2.5 Lakh and their license has been cancelled for not giving away the path for an ambulance.

Well done @TheKeralaPolice pic.twitter.com/RYGqtKj7jZ

— Vije (@vijeshetty) November 16, 2024

 آؤٹ لیٹ نے مزید اطلاع دی کہ کارکے مالک پر موٹر وہیکل ایکٹ کے سیکشن ۱۹۴؍ ای کےساتھ ہی پی یو سی سند نہ ہونے کی پاداش میں جرمانہ عائد کیا ہے۔اس دفعہ کے مطابق جو کوئی بھی موٹر گاڑی چلاتے ہوئےآگ لگنے پر سروس گاڑی یاایمبولینس یا دیگر ہنگامی گاڑی جس کی ریاستی حکومت کی طرف سے وضاحت کی گئی ہے،راستہ نہیں دیتا اسے قید کی سزا ہو سکتی ہے جو چھ ماہ تک ہو سکتی ہے، یا دس ہزار روپے جرمانہ یا دونوں سزائیں دی جا سکتی ہیں۔

یہ بھی پـڑھئے: امراوتی : بی جے پی کے انتخابی جلسہ میں ہنگامہ آرائی

اس واقع کا ویڈیو سوشل میڈیا پر وائرل ہونے کے بعد متعدد صارفین نے غصے کا اظہار کیا ہے۔ایک صارف نے گاڑی کے مالک کے گھر پر موجود پولیس افسر کی تصویر بھی شیئر کی۔اور طنزاً لکھا کہ ریس میں ایمبولینس کو شکست دینے پر اس ڈرائیور کو ٹرافی سے نوازا جانا چاہئے۔اس کے علاوہ کئی صارفین نے ٹرافک اصولوں کی پاسداری کو یقینی بنانے پر زور دیا۔ساتھ ہی ڈھائی لاکھ روپئے جرمانے اور لائسنس کی منسوخی کی ستائش کی۔اور اسے دوسروں کیلئے ایک عبرت قراردیا۔