لبنانی سیکوریٹی ذرائع نے کہا ہے کہ حزب اللہ کے ترجمان محمد عفیف وسطی بیروت میں اسرائیلی حملے میں مارے گئے ہیں۔ بعث پارٹی کی لبنانی شاخ کے سیکریٹری جنرل علی حجازی نے حزب اللہ کے میڈیا ترجمان عفیف کی موت کی تصدیق کی۔

لبنانی سیکوریٹی ذرائع نے کہا ہے کہ حزب اللہ کے ترجمان محمد عفیف وسطی بیروت میں اسرائیلی حملے میں مارے گئے ہیں۔ حملے میں شامی بعث پارٹی کی لبنانی شاخ کو نشانہ بنایا گیا۔ اے ایف پی کے مطابق ’راس النبا پر حملے میں حزب اللہ کے میڈیا ترجمان محمد عفیف کی موت ہو گئی۔ سکیوریٹی ذرائع نے کہا کہ وہ میڈیا کو بریفنگ دینے کے مجاز نہیں تھے۔ سرکاری نیشنل نیوز ایجنسی نے رپورٹ کیا کہ بعث پارٹی کی لبنانی شاخ کے سیکریٹری جنرل علی حجازی نے حزب اللہ کے میڈیا ترجمان عفیف کی موت کی تصدیق کی۔ تاہم، اسرائیلی فوج نے اس پر تبصرہ کرنے سے انکار کر دیا۔ لبنان کی وزارت صحت نے کہا کہ اس حملے میں ایک شخص ہلاک اور تین دیگر زخمی ہوئے، مزید کہا کہ یہ تعداد عارضی ہے اور حملے کی جگہ سے ملبہ ہٹانے کا کام جاری ہے۔ 

یہ بھی پڑھئے: اسرائیل بھرمیں نیتن یاہو کیخلاف سخت احتجاج

بتا دیں کہ محمد عفیف طویل عرصہ تک حزب اللہ کے سابق سربراہ حسن نصراللہ کے میڈیا ایڈوائزر رہے تھے۔ حسن نصر اللہ کی موت ستمبر کے آخر میں بیروت کے مضافات میں اسرائیل کے فضائی حملے میں ہوئی تھی۔ ستمبر کے آخر میں حزب اللہ کے سربراہ حسن نصر اللہ کی ہلاکت کے بعد سے عفیف نے بیروت کے جنوبی مضافات میں کئی پریس کانفرنسز کیں۔ وہ حزب اللہ کے ترجمان بننے سے قبل کئی برس اس عسکری گروہ کے ٹیلی ویژن ’المنار‘ کا انتظام سنبھال چکے تھے۔ محمد عفیف نے بیروت کے نواح میں تباہ حال عمارتوں کے ملبے کے پاس متعدد پریس کانفرنسز بھی کی تھیں۔ این این اے نے کہا کہ دشمن کے ہوائی جہاز کا حملہ زبردست تباہی کا باعث بنا، فرانسیسی سفارت خانے اور یونیورسٹی کے قریب واقع علاقے راس النبا میں ملبے کے نیچے پھنسے لوگوں کی ایک غیر متعینہ تعداد کی اطلاع دی۔ اس میں کہا گیا ہے کہ پڑوسی عمارت کے رہائشیوں میں سے ایک کو انتباہی کال موصول ہوئی تھی جس میں انخلا کا کہا گیا تھا لیکن اسے سنجیدگی سے نہیں لیا گیا تھا۔ گذشتہ ماہ ایسے ہی ایک پروگرام میں عفیف نے اعلان کیا تھا کہ حزب اللہ نے اسرائیلی وزیراعظم بنجامن نیتن یاہو کی رہائش گاہ کو نشانہ بنانے والا ڈرون لانچ کیا۔ وہ پریس کانفرنس اس وقت ختم کر دی گئی جب اسرائیلی فوج نے خبردار کیا کہ وہ قریبی عمارت پر حملہ کرے گی۔