سپریم کورٹ نے آج عام آدمی پارٹی کے لیڈر منیش سسودیا کو شراب پالیسی کیس میں ضمانت دے دی ہے۔ خیال رہے کہ منیش سسودیا گزشتہ ۱۷؍ ماہ سے جیل میں ہیں۔

سپریم کورٹ نے عام آدمی پارٹی کے لیڈر منیش سسودیا کو شراب پالیسی کیس میں ضمانت دے دی ہے۔خیال رہے کہ عام آدمی پارٹی کے لیڈر گزشتہ ۱۷؍ماہ سے جیل میں ہیں۔ دہلی کے سابق نائب وزیر اعلیٰ کو ۲۴؍ فروری ۲۰۲۳ء کو سی بی آئی نے گرفتار کیا تھا۔ ۹؍مارچ ۲۰۲۳ء میں ای ڈی نے انہیں اسی معاملے میں گرفتار کیا تھا۔ 

یہ بھی پڑھئے: وقف بل پر شدید احتجاج، مودی سرکار پر سنگین الزامات

فی الحال وہ نئی دہلی کے تہاڑ جیل میں ہیں۔ جمعہ کو جسٹس بی آر گوائی اورکے وی وشوناتھن کی بینچ نے سسودیا کو سی بی آئی اور ای ڈی دونوں کے معاملات میں ضمانت دے دی ہے۔ عدالت عظمیٰ نے نشاندہی کی ہے کہ سسودیا کو تیز ترین کارروائی کے حق سے محروم رکھا گیا ہے۔ ای ڈی کی ایف آئی آر سی بی آئی کی جانب سے داخل کردہ ایف آئی آر پر مبنی تھی جس میں مرکزی تفتیشی ایجنسی نےدہلی حکومت کے شراب پالیسی میں بے ضابطگیوں کا الزام عائد کیا تھا۔