لوک سبھا نتائج کے ساتھ آندھرا پردیش اور ادیشہ کے اسمبلی انتخابات کے ووٹوں کی گنتی کا عمل بھی جاری ہے۔ واضح رہے کہ ۷؍ مرحلوں میں ہونے والے لوک سبھا انتخابات میں ملک کی ۴؍ ریاستوں کے اسمبلی انتخابات ہوئے تھے۔ ۲؍ جون کو اروناچل پردیش اور سکم کے نتائج کا اعلان ہوچکا ہے جن میں بالترتیب بی جے پی اور سکم کرانتی کاری مورچہ نے نمایاں کامیابی حاصل کی ہے۔

آندھرا پردیش

تیلگو دیشم پارٹی: 134
وائی ایس آر کانگریس پارٹی: 21
جن سینا پارٹی: 12
بی جے پی: 8

ادیشہ

بی جے پی: 78
بیجو جنتا دل: 51
کانگریس: 14
دیگر: 4

آندھرا پردیش کے ۱۷۵؍ اسمبلی حلقوں میں سے چندرا بابو نائیڈو کی پارٹی ’’تیلگو دیشم پارٹی ۱۲۲؍ سیٹوں پر آگے چل رہی ہے جبکہ وائی ایس آر کانگریس پارٹی (۱۵؍ سیٹوں پر آگے) اور جن سینا پارٹی (۱۵؍ سیٹوں پر آگے) بالترتیب دوسری اور تیسری بڑی پارٹی بن کر ابھری ہیں۔ بی جے پی صرف ۷؍ سیٹوں پر آگے چل رہی ہے۔ اس ریاست میں حکومت بنانے کیلئے کسی بھی پارٹی کا کم سے کم ۸۸؍ سیٹوں پر کامیاب ہونا ضروری ہے۔

یہ بھی پڑھئے: ووٹوں کی گنتی کےعمل میں شفافیت کیلئے سول سوسائٹیز کمر بستہ

دوسری جانب ادیشہ کے ۱۴۷؍ اسمبلی حلقوں میں بی جے پی ۷۶؍ سیٹوں پر آگے چل رہی ہے۔ بیجو جنتا دل پارٹی ۴۷؍ سیٹوں کے ساتھ دوسرے نمبر پر ہےجبکہ کانگریس ۱۱؍ سیٹوں کے ساتھ تیسرے نمبر پر ہے۔ اس ریاست میں حکومت بنانے کیلئے کسی بھی پارٹی کا کم سے کم ۷۴؍ سیٹوں پر کامیابی حاصل کرنا ضروری ہے۔