آر ایس ایس کے لیڈر اندریش کمار نے جمعرات کو جے پور میں ایک یاترا کے دوران تقریر کرتے ہوئے کہا کہ بی جے پی حالیہ لوک سبھا انتخابات میں اپنے تکبر کی وجہ سے اکثریت سے محروم رہی ہے۔

آرایس ایس کے لیڈر راندریش کمار نے جمعرات کو کہا کہ بی جے پی حالیہ لوک سبھا انتخابات میں اپنے غرور اور تکبر کی وجہ سے اکثریت حاصل کرنے میں ناکامیاب رہی ہے۔ خیال رہے کہ امسال بی جے پی نے لوک سبھاانتخابات میں اکثریت حاصل نہیں کی لیکن ہندواتواپارٹی نے اپنے حامیوں کے ساتھ حکومت بنائی ہے۔ آر ایس ایس بی جے پی کا پیرنٹ آرگنائزیشن ہے۔ آر ایس ایس کے لیڈر نے کہا کہ ’’وہ پارٹی جس نے ’’بھگوان رام‘‘ کی بھکتی کی تھی لیکن اس کے تکبر کی وجہ سے وہ ۲۴۱؍ پر رک گئی لیکن وہ سب سے بڑی پارٹی بھی بن کر ابھری ہے۔ انہوں نے جے پور میں رام ایودھیا یاترا درشن پوجن سماروہ میں تقریر کرتے ہوئے یہ باتیں کہی ہیں۔انہوں نے اپوزیشن کے تعلق سے کہا کہ ’’اور وہ افراد جنہیں بھگوان رام پر ایمان نہیں ، ۲۳۴؍ سیٹیوں پر ہی رک گئی ہے۔‘‘ 

یہ بھی پڑھئے: وسئی اور نالاسوپارہ میں پٹریوں پر پانی جمع ہونے سے روکنے کی کوشش

کمار کے مطابق ’’آپ جمہوریت میں رام راجیہ کے قانون دیکھئے۔جو رام کی پوجا کرتے ہیں لیکن تکبر میں اڑے رہے تھے،وہی پارٹی سب سے بڑی پارٹی بن کر ابھری ہے۔ بھگوان جو طاقت اور ووٹ انہیں دینےوالے تھے وہ ان کے تکبر کی وجہ سے انہیں نہیں مل سکا۔ جنہوں نے رام کی مخالفت کی ان میں سے کسی کو بھی اقتدار نہیں ملا۔ خیال رہے کہ کمارکا یہ بیان اس وقت سامنے آیا ہے جب آر ایس ایس کےسربراہ موہن بھاگوت نے کہا ہے کہ لوک سبھا انتخابات کے درمیان شائستگی نہیں اختیار کی گئی اور اپوزیشن کو دشمن نہیں بلکہ حریف سمجھنا چاہئے تھا۔