سورت کے ضلعی الیکشن آفیسر نے کانگریس کے لوک سبھا امیدوار نلیش کمبھانی اور متبادل امیدوار سریش پداسالا کی نمائندگی کو مسترد کردیا۔ بی جے پی کے امیدوار مکیش دلال کے علاوہ تمام امیدواروں نے اپنی نامزدگی واپس لے لی ہے اور مکیش نے لوک سبھا سیٹ کیلئے بلا مقابلہ منتخب ہونے کا اعلان کیا ہے۔ اس ضمن میں جے رام رمیش نے ایکس پر پوسٹ کیا کہ ’’جمہوریت خطرے میں ہے، آپ کرونولوجی سمجھئے۔ ‘‘

سورت کے ضلعی الیکشن کمیشن آفیسر نے سورت سے کانگریس کے لوک سبھا امیدوار نلیش کمبھانی کی نمائندگی کو تین تجویز کنندگان کے دستخطوں کی تصدیق میں تضادات کی وجہ سے مسترد کیا ہے۔ دوسری جانب حکام نے اسی بنیاد پر سورت سے کانگریس کے متبادل امیدوار سریش پداسالا کی نمائندگی کو بھی مسترد کردیا ہے۔ تاہم، بی جے پی کے امیدوار مکیش دلال کے علاوہ تمام امیدواروں نے اپنی نمائندگی واپس لے لی ہے۔ 

یہ بھی پڑھئے: ’’ووٹنگ کے پہلے مرحلے میں عوامی رجحان سے مودی مایوس ہوگئے ہیں‘‘

بی جے پی کے امیدوار مکیش دلال نے آج، ۷؍ مئی، انتخابات سے صرف ۲؍ ہفتہ پہلے سورت سے ’’بلامقابلہ منتخب ‘‘ہونے کا اعلان کیا ہے۔ اس ضمن میں کانگریس کے جنرل سیکریٹری جے رام رمیش نے اپنے ٹویٹر اکاؤنٹ پر لکھا کہ ’’مودی کے انیائے کال میں ایم ایس ایم ای مالکان اور کاروباری افراد کو درپیش پریشانی اور غصے نے بی جے پی کو اتنی بری طرح خوفزدہ کیا ہے کہ اس نے سورت میں  لوک سبھا سیٹ کیلئے ’’میچ فکسنگ‘‘ کرنے کی کوشش کی ہےجو وہ مسلسل ۱۹۸۴ء کے لوک سبھا انتخابات سے جیتتے چلے آرہے ہیں۔ ہمارے انتخابات، ہماری جمہوریت اور ڈاکٹر بابا صاحب امبیڈکر کا آئین سب کچھ خطرے میں ہے۔ یہ ہماری زندگی کا سب سے اہم الیکشن ہے۔ ‘‘

Democracy is under threat. Aap chronology samajhiye:

• Surat District Election Officer rejects @INCIndia’s candidate for Surat Lok Sabha, Nilesh Kumbhani’s nomination for “discrepancies in verification of signatures of three proposers”

• On similar grounds, officials reject… https://t.co/uEnLeCGOG7

— Jairam Ramesh (@Jairam_Ramesh) April 22, 2024

گجرات بی جے پی صدر سی آر پاٹل کی مکیش دلال کو مبارکبارد
گجرات کے بی جے پی کے صدر سی آر پاٹل نے اپنے ایکس اکاؤنٹ پر مکیش دلال کو ’’بلا مقابلہ منتخب ہونے کیلئے مبارکباد پیش کی ہے۔ ‘‘

Gujarat BJP president CR Paatil tweets "Congratulations and best wishes to Mukesh Dalal, candidate for Surat Lok Sabha seat, for being elected unopposed"#LokSabhaElections2024 pic.twitter.com/d0RgyQ8rtz

— ANI (@ANI) April 22, 2024