جپل پور، مدھیہ پردیش کے خماریہ میں ایک آرڈی ننس فیکٹری میں آتشزدگی کے نتیجے میں ۱۵؍ افراد زخمی ہوئے ہیں جبکہ ایک لاپتہ ہے۔ زخمیوں میں سے ۲؍ افراد کی حالت شدید نازک ہے جنہیں علاج کیلئے اسپتال منتقل کیا گیا ہے۔ حادثے کی وجہ معلوم کرنے کیلئے تفتیش کا حکم جاری کیا گیا ہے۔

جپل پور،مدھیہ پردیش کی آرڈی ننس فیکٹری میں آتشزدگی کے نتیجے میں ۱۵؍ افراد زخمی ہوئے ہیں۔ یہ دھماکہ سینٹرل سیکوریٹی انسٹی ٹیوٹ آرڈی ننس فیکٹری، خماریہ، جبل پور میں پیش آیا ہے جہاں بم اور دیگر دھماکہ خیز مواد بنائے جاتے ہیں۔ حکام نے کہا ہے کہ اس حادثے میں زخمی ہونے والے افراد میں سے ۲؍ افراد کی حالت نازک ہے۔ خبررساں ایجنسی پی ٹی آئی نے بتایا ہے کہ ’’۲؍ زخمی افراد کو فوری علاج کیلئے قریبی نجی اسپتال منتقل کیا گیا ہے کیونکہ انہیں گہرے زخم آئے تھے۔‘‘

A massive explosion occurred at an ordnance factory in Jabalpur Madhya Pradesh State of India killing 2 employees and injuring more than 15.
The incident took place in the 1000-pound bomb unit within the factories F-6 area.#India pic.twitter.com/7cSO7DWKcn

— Global Defense Agency (@Defense_GDA) October 22, 2024

یہ دھماکہ فیکٹری کے ری فیلنگ سسٹم میں پیش آیا تھا۔ تاہم، دھماکے کے سبب ایک شخص گمشدہ ہے اور اس کے ممکنہ طور پر ملبے میں پھنسے ہونے کا خدشہ ہے۔ حادثے کی اطلاع ملنے کے فوراً بعد ہی ایمبولینس اور فائر بریگیڈ جائے حادثہ پر پہنچی گئے تھے اور راحت رسانی اور بحالی کا کام جاری ہے۔ لائیو ہندوستان نے رپورٹ کیا ہے کہ زخمیوں کی تعداد ۱۵؍ ہے جبکہ ۲؍ افراد کو شدید زخم آئے ہیں۔

یہ بھی پڑھئے: غزہ میں قتل عام کی قیادت کرنے والا اسرائیلی کمانڈر مارا گیا

تاہم، فیکٹری کی انتظامیہ نے اس حادثے کے نتیجے میں جانی نقصان کی کوئی اطلاع نہیں دی ہے۔ این ڈی ٹی وی کے مطابق بم کی فیلنگ کے عمل میں فیکٹری کے ایف ۶؍ سیکشن کی ۲۰۰؍ ویں عمارت میں آب رسائی کا سسٹم خراب ہوگیا تھا۔ یہ دھماکہ اتنا طاقتور تھا کہ پانچ کلومیٹر کی دوری تک اس کی آواز سنی گئی تھی۔ فیکٹری کے قریب رہنے والے رہائشی افراد نے کہا کہ ’’دھماکے سے علاقے میں زلزلہ آیا تھا۔ ‘‘

#WATCH Madhya Pradesh: A major fire broke out in a transformer repair factory in Richhai, an industrial area of Jabalpur (12.06) pic.twitter.com/1L5hcRI6YG

— ANI MP/CG/Rajasthan (@ANI_MP_CG_RJ) June 12, 2022

دھماکے کے سبب عمارت کا ایک حصہ بھی منہدم ہوگیا ہے جس کے سبب کئی ملازمین زخمی ہوئے ہیں۔ خماریہ، جبل پور میں واقع یہ آرڈی ننس فیکٹری کا شمار ڈپارٹمنٹ آف ڈیفنس پروڈوکشن کے تحت آلات بنانے والی بڑی فیکٹریوں میں ہوتا ہے۔ اس حادثے میں تفتیش کا حکم دیا گیا ہے کہ اور تحقیقات کے بعد حادثے کی وجہ معلوم کی جائے گی۔ حادثے کی اطلاع ملنے کے فوراً بعد حکام جائے حادثہ پر پہنچ گئے تھے جبکہ فیکٹری نے اب تک کوئی سرکاری بیان جاری نہیں کیا ہے۔