بھنڈارا میں ہتھیاروں کی ایک فیکٹری میں آتشزدگی کے نتیجے میں ۸؍ افراد ہلاک جبکہ دیگر ۷؍زخمی ہوئے ہیں۔جائے حادثے پر اہلکار راحت رسانی کا کام انجام دے رہے ہیں۔

ناگپور کے قریب ایک ہتھیاروں کی فیکٹری میں آتشزدگی کا حادثہ پیش آیا ہے۔ یہ حادثہ آج صبح مہاراشٹر کے بھنڈارا ضلع میں پیش آیا تھا۔ حادثے کی اطلاع ملتے ہی طبی اور میڈیکل ٹیمیں جائے حادثہ پر پہنچ گئی تھیں۔

Blast at Ordnance Factory in Bhandara, Maharashtra

🔴 Twelve people were trapped; two have been rescued so far.

🔴 The roof collapsed, and debris is being cleared with earthmovers.

🔴 Rescue teams and firefighters are working on-site.#blast #bhandara #bhandarablast… pic.twitter.com/zIE5ZCJNlc

— Sneha Mordani (@snehamordani) January 24, 2025

خبر رساں ایجنسی اے این آئی کو دیئے گئے اپنے بیان میں حکام نے کہا ہے کہ ’’بھنڈارا میں ایک ہتھیاروں کی فیکٹری میں آتشزدگی کا حادثہ پیش آیا تھا۔ ریسکیو اور میڈیکل ٹیمیں جائے حادثہ پر پہنچ چکی ہیں اور متاثرین کو ریسکیو کیا جارہا ہے۔‘‘ حکام نے کہا ہے کہ ’’ایک چھت گر گئی تھی اور دھماکے کے دوران اس کے نیچے تقریباً ۱۲؍ افراد تھے جن میں سے ۲؍افراد کو ریسکیو کیا جاچکا ہے جبکہ آلات کے ذریعے ملبہ ہٹایا جارہا ہے۔‘‘

یہ بھی پڑھئے: غزہ جنگ بندی: امداد کی رسد معاہدہ کے مطابق لیکن لوگوں کی ضروریات کہیں زیادہ

مہاراشٹر کے وزیر اعلیٰ دیوریندر فرنویس نے اپنے ایکس اکاؤنٹ پر لکھا ہے کہ ’’ضلعی کلیکٹر اور سپریٹنڈنٹ آف پولیس ہر طرح کی مدد فراہم کرنے کیلئے جائے حادثہ پر موجود ہیں۔ ایس ڈی آر ایف اور ناگپور میونسپل کارپوریشن کی ٹیمیں کو ریسکیوآپریشن کیلئے بلا لیا گیا ہے اور وہ جلد ہی پہنچ جائیں گے۔ ضلعی انتظامیہ ڈیفینس فورس کے ساتھ بحالی کے کاموں میں مصروف ہے۔ طبی امداد کیلئے بھی ٹیم تیار کر لی گئی ہے۔‘‘

There is a news of incident where 13-14 workers are trapped due roof collapse caused by an explosion at the ordnance factory in Bhandara.
5 workers have been safely rescued.
Bhandara Collector and SP are at the site and ensuring immediate rescue measures and all required support.… https://t.co/sMssvTcjIh

— Devendra Fadnavis (@Dev_Fadnavis) January 24, 2025

انہوں نے مزید لکھا ہے کہ ’’ابتدائی معلومات کے مطابق ایک ملازم کی جائے حادثہ پر ہی موت ہوگئی تھی۔ میرا اس سے اظہار تعزیت ہے۔ میں اس کے اہل خانہ کے ساتھ اظہار تعزیت کرتا ہوں۔ میں زخمی افراد کی جلد صحتیابی کیلئے خدا سے دعا گو ہوں۔‘‘