جلگاؤں کے رہنے والے معمر شخص حاجی اشرف منیر کو ٹرین میں سوار متعدد غنڈوں نے مارا پیٹا اور ان کے ساتھ بدسلوکی کی۔ حاجی اشرف کلیان اپنی بیٹی سے ملاقات کیلئے جارہے تھے۔ غنڈوں نے الزام عائد کیا کہ ان کے پاس گائے کا گوشت ہے اور ان کو زدکوب کیا۔ ان کے بیٹے اشفاق نے اگت پوری، مہاراشٹر کے ریلوے پولیس اسٹیشن میں شکایت درج کروائی ہے۔

جلگاؤں کے رہنے والے ایک معمر شخص کو کلیان جانے کے دوران ٹرین میں سوار متعدد غنڈوں نے جارحانہ طریقے سے مارا پیٹا اور ان سے بدسلوکی کی۔ اس واقعے کی ویڈیو سوشل میڈیا پر وائرل ہوئی ہے اور صارفین نے مجرمین کے خلاف سخت کارروائی کی مانگ کی ہے۔ متاثرہ شخص کی شناخت ’’حاجی اشرف منیر‘‘ کے طور پر کی گئی ہے۔

हम सिर्फ मूकदर्शक नहीं बने रह सकते। अब समय आ गया है कि हम, सभी धर्मनिरपेक्ष भारतीयों को इन ताकतों को हराने के लिए एक साथ आना चाहिए। इन लोगों के बीच कितना ज़हर फैल गया है और वे किसी ऐसे व्यक्ति के साथ ऐसा करने के बारे में कैसे सोच सकते हैं जो शायद उनके दादा की उम्र का है। बहुत हो… pic.twitter.com/VVRCMothto

— Imtiaz Jaleel (@imtiaz_jaleel) August 31, 2024

حاجی اشرف جلگاؤں کے ایک گاؤں کے رہائشی ہیں۔ و ہ اپنی بیٹی سے ملاقات کیلئے کلیان جارہے تھے۔ اگت پوری، مہاراشٹر کے قریب ٹرین میں سوار متعدد غنڈوں نے الزام عائد کیا کہ ان کے پاس گائے کا گوشت ہے اور انہیں جارحانہ طریقے سے ماراپیٹا۔

Haji Ashraf Munyar from a village in Jalgaon District travelling in a train to Kalyan to meet his daughter was abused and badly beaten up by goons in a train near Igatpuri alleging him of carrying beef. pic.twitter.com/uOr3vlqBqB

— Mohammed Zubair (@zoo_bear) August 30, 2024

اس حملے کے بعد سوشل میڈیا پر غلط معلومات پھیلائی گئی کہ حاجی اشرف منیر نے خودکشی کی ہے۔ تاہم، حاجی اشرف منیر کے اہل خانہ نے ان دعوؤں کی تردید کی ہے اور اس بات کی تصدیق کی ہے کہ وہ فی الحال کلیان میں اپنی بیٹی کے گھر پرہیں۔ ان کے بیٹے اشفاق نے اگت پوری ریلوے اسٹیشن میں شکایت درج کروائی ہے۔

آلٹ نیوز کے شریک بانی محمد زبیر نے اس واقعے کی ویڈیو ایکس پوسٹ پر شیئر کی ہے اور حکام سے سخت کارروائی کا مطالبہ کیا ہے۔ انہوں نے اپنے ایکس پوسٹ میں لکھا ہے کہ ’’جلگاؤں کے رہائشی حاجی اشرف منیر کلیان اپنی بیٹی سے ملاقات کیلئے جارہے تھے۔ اگت پوری، مہاراشٹر کے قریب ٹرین میں سوار غنڈوں نے ان پر الزام عائد کیا کہ ان کے پاس گائے کا گوشت ہے۔ انہیں جارحانہ طریقے سے مارا پیٹا اور ان سے بدسلوکی کی۔ کیا ہم ان غنڈوں کے خلاف سخت کارروائی کی امید رکھیں؟

یہ بھی پڑھئے: سوڈانی فوج اور آر ایس ایف جنگی جرائم میں ملوث ہیں: ایچ آر ڈبلیو

انہوں نے اپنے ایکس پوسٹ میں مزید لکھا ہے کہ ’’غلط معلومات عام کی گئی کہ اس حاجی اشرف منیر نے خودکشی کی ہے، یہ حقیقت نہیں ہے۔ فی الحال وہ کلیان میں اپنی بیٹی کے گھر پر ہیں۔ ان کے بیٹے اشفاق نے اگت پوری ریلوے اسٹیشن میں شکایت بھی درج کروائی ہے۔‘‘
انہوں نے مزید لکھا ہے کہ ’’کسی بھی نیوز چینل، نیوز ایجنسی اور نیوز اینکر نے اس واقعے کو رپورٹ نہیں کیا ہے۔ اسی لئے نفرت پر مبنی جرائم میں اضافہ ہوتا ہے۔ گزشتہ کچھ ماہ میں متعدد بی جے پی لیڈران نے اقلیتوں کے خلاف نفرت پر مبنی تقریریں کیں، اسے بھی نظر انداز کیا۔ میڈیا نے نفرت پر مبنی جرائم کی رپورٹنگ کرنا بھی بند کردی ہے۔