عثمان آباد، مہاراشٹر میں تین نابالغ لڑکیوں نے جنوبی کوریا کے بینڈ بی ٹی ایس سے ملنے کیلئے اپنا ہی اغوا کیا۔ لڑکیوںنے پولیس کو بتایا کہ وہ پونے جاکر پیسے کمانا چاہتی تھیں تا کہ جنوبی کوریا جاکر اپنے پسندیدہ بینڈ بی ٹی ایس کے ممبران سے مل سکیں۔

عثمان آباد، مہاراشٹر میں تین لڑکیوں نےجنوبی کوریا کے بینڈ بی ٹی ایس سے ملنے کیلئے اپنا ہی اغواء کروایا۔ ان لڑکیوں کی عمریں ۱۱؍ اور ۱۳؍ سال ہیں۔پولیس کے مطابق ’’ایک لڑکی کی عمر ۱۱؍ سال جبکہ دیگر دو لڑکیوں کی عمریں ۱۳؍ سال ہیں جبکہ ان تینوں کا تعلق مہاراشٹر کے ضلع عثمان آباد سے ہے۔انہوں نے جنوبی کوریا تک جانے کیلئے پیسے جمع کرنے کیلئے پونے، مہاراشٹر جانے کا منصوبہپ بنایا تھا۔‘‘۲۷؍ دسمبر کو پولیس کو عثمان آباد، مہاراشٹر سے ایک کال موصول ہوا تھا جس میں ایک شخص نے دعویٰ کیا تھا کہ امرگا تعلقہ میں سے تین لڑکیوں کو اسکول کی وین میں زبردستی لے جایا جارہا ہے۔ 

بی ٹی ایس میں جنگ کوک اور وی سب سے زیادہ مشہور ہیں۔ تصویر: آئی این این

تفتیش کے بعد پولیس کو معلوم ہوا کہ یہ فون نمبر ایک خاتون کے نام پر درج ہے جو امرگا سے پونے تک ایک سرکاری بس میں سفر کر رہی تھیں۔ پولیس نے اس بس کو اس وقت ٹریک کیا جب وہ سولاپور کے موہول سے گزر رہی تھی۔ بس میں تین لڑکیاں تھیں اور یہ لڑکیاں بس میں سوار خاتون اور مقامی پولیس کی مد د سے بس میں سفر کر رہی تھیں۔ بعد ازیں مزید تفتیش کیلئے تینوں لڑکیوں کو موہول کے پولیس اسٹیشن لایا گیا۔موہول پولیس اسٹیشن میں امرگا پولیس ٹیم اور نابالغ لڑکیوں کے والدین بھی پہنچے تھے۔

یہ بھی پڑھئے: اسمبلی الیکشن میں جلگائوں ضلع میں کس نے سب زیادہ اور کس نے سب سے کم خرچ کیا؟

بی ٹی ایس کے ممبرز سے ملنے کا خواب
تفتیش کے بعد تینوں لڑکیوں نے پولیس کو بتایا کہ انہوں نے بی ٹی ایس کے ممبران سے ملنے کیلئے جنوبی کوریا جانے کیلئے پیسے جمع کرنے کیلئے پونے جاکر اور وہاں کام کر کے پیسے کمانے کا منصوبہ بنایا تھا۔

بی ٹی ایس (BTS) کیا ہے؟
یادرہے کہ بی ٹی ایس جنوبی کوریا کامشہور بینڈ ہے جس کی بنیاد ۲۰۱۰ء میں ڈالی گئی تھی۔ اس بینڈ کے ممبران میں جنگ کوک، وی، جنگ، سوگا، جے ہوپ، آر ایم اور جیمن شامل ہیں۔ دنیا بھر میں اس بینڈ کے ۷۵؍ ملین سے زائد فولورز ہیں جن میں جین زی سب سے زیادہ ہیں۔ جین زی کے افراد اس بینڈ کو سب سے زیادہ پسند کرتے ہیں۔