شام کے دارالحکومت میں باغیوں کے داخل ہونے پر ۲؍ ہزار سے زائد شامی فوجی محاذِ جنگ چھوڑ کر پڑوسی ملک عراق کی سرحد عبور کرکے فرار ہوگئے۔

شام کے دارالحکومت میں باغیوں کے داخل ہونے پر ۲؍ ہزار سے زائد شامی فوجی محاذِ جنگ چھوڑ کر پڑوسی ملک عراق کی سرحد عبور کرکے فرار ہوگئے۔ عرب میڈیا نے دعویٰ کیا ہے کہ شامی فوج کے افسران اور اہلکاروں کو عراقی حکومت نے القائم بارڈر کراسنگ کے ذریعے ملک میں داخل ہونے کی اجازت دی۔  شامی فوجیوں کا عراق میں داخلہ سیریئن ڈیموکریٹک فورسیز کے ساتھ معاہدے اور عراقی وزیر اعظم شیاع سوڈانی اور مسلح افواج کے کمانڈر انچیف کی حکومت کی منظوری سے ہوا۔ 

یہ بھی پڑھئے:شام میں تختہ پلٹ سے پڑوسی فکرمند، مغربی ممالک نے خیر مقدم کیا

 عراق پہنچنے والے شامی فوجیوں میں اکثر زخمی ہیں جنہیں علاج کیلئے القائم اسپتال منتقل کیا گیا تھا۔ العربیہ نیوز کے مطابق شام سے ایران نواز ملیشیا کے جنگجوؤں اور دیگر ممالک کے جنگجو بھی ملک چھوڑ کر اپنے اپنے ملک روانہ ہوگئے۔ واضح رہے کہ شام کے دارالحکومت میں سڑکوں پر حیات التحریر الشام کے جنگجوؤں نے نظم و نسق سنبھال لیا ہے۔ سرکاری ٹی وی اور ریڈیو بھی ان کے قبضے میں ہیں۔