مدھیہ پردیش کے سوشل جیوریسٹ نامی شہری حقوق کے گروپ نے آج چیف جسٹس آف انڈیا ڈی وائے چندرچڈ کو ایک خط لکھا ہے جس میں مدھیہ پردیش کے سرکاری اسکولوں کی خراب حالات کی نشاندہی کی گئی ہے۔ این جی او نے عدالت سے اس معاملے میں مداخلت کی اپیل کرتے ہوئے ریاستی حکومت کو ضروری احکامات جاری کرنے کا مطالبہ کیا ہے۔

سوشل جیوریسٹ جیوری نامی شہری حقوق کے گروپ نے آج چیف جسٹس آف انڈیا ڈے وائے چندرچڈ کو ایک خط لکھا ہے اور ان سے اپیل کی ہے کہ عدالت مدھیہ پردیش کی سرکاری اسکولوں کی حالت زار کو درست کرنے کیلئے مدھیہ پردیش کی حکومت کو ضروری احکامات جاری کرے ۔ این جی او نے مدھیہ پردیش کے اسکولوں کی خراب حالت کو دکھانے کیلئے اپنی عرضی میںمتعدد تصاویر بھی شامل ہیںجن میں مدھیہ پردیش کےضلع کھجوراہو کی ۵؍ اسکول کی خستہ حال عمارتوں کی تصاویر بھی شامل ہیں۔

Today I have written a letter petition on behalf of Social Jurist to the Hon`ble Chief Justice of India highlighting dismal conditions of MP Govt schools including that hundreds of students are studying in dangerous school buildings. This video has also been sent to CJI. pic.twitter.com/uStMnQTwsS

— Ashok Agarwal (@socialjurist) August 16, 2024

اس ضمن میں سوشل جیوریسٹ کے مشیر، وکیل اشوک اگروال نے خط میں لکھا ہے کہ ’’یہ تصاویر واضح اشارہ ہے کہ مدھیہ پردیش میں لاکھوں طلبہ خطرناک اسکول کی عمارتوں میںتعلیم حاصل کر رہے ہیں۔  اسکولوں میں طلبہ کیلئےناکافی ڈیسک اور بینچیں ہیں اور پانی کی سپلائے بھی درست نہیں ہے۔

DHC today holds late evening hearing of Social Jurist PIL highlighting over 7 lakhs students studying in MCD Primary schools have not been given text books, note books, writing material, uniform, school bag though session starts from 01.04.2024. The court reserves its order. pic.twitter.com/z72mmaxu4u

— Ashok Agarwal (@socialjurist) April 26, 2024

عرضی میں مزید کہا گیا ہے کہ سرکاری اسکولوں کو جدید ٹیکنالوجی سے آراستہ کرنا چاہئے۔اسکولوں میں صاف صفائی کیلئے اہلکاروں کو تعینات نہیں کیا گیا ہے جس کی وجہ سے تمام بیت الخلاء میں صاف صفائی کا فقدان ہے۔ اسکولوں میں زیر تعلیم طلبہ کی تعداد کے مقابلے میں اساتذہ کی بھی کمی ہے۔ مدھیہ پردیش کی حکومت کواساتذرہ کی کمی کو پورا کرنے کیلئے فوری اقدامات کرنے چاہئیں۔ 

یہ بھی پڑھئے: اسرائیل: فوج کی جانب سے ایک بار پھر فلسطینیوں کو محفوظ علاقہ خالی کرنے کا حکم

خط میں مزید لکھا گیا ہے کہ ’’سرکاری اسکولوں کی غیر صحت مند اور ناقص حالت آئین کے آرٹیکل ۱۴؍ ۲۱ ؍اور ۲۱؍ اے کے تحت طلبہ کو دیئے گئے تعلیم کے حق کی صریح خلاف ورزی ہے۔طلبہ کو دیئے جانے والے یونیفارم مصنوعی مواد سے تیار کئے جاتے ہیں جس کی وجہ سے انہیں جلد کے مسائل کے خطرات لاحق ہو سکتے ہیں۔ عرضی میں مزید کہا گیا ہے کہ ’’خط میں جن نکات کی نشاندہی کی گئی ہے ان کے مطابق مدھیہ پردیش کی سرکاری حکومت واضح طور پر طلبہ کے تعلیم حاصل کرنے کے بنیادی اور انسانی حقوق کی خلاف ورزی کر رہی ہے اس لئے ہم اس معاملے میں عدالت کی مداخلت چاہتے ہیں۔ ہماری اپیل ہے کہ عدالت اس خط کو پی آئی ایل کے طور پر دیکھے اور مدھیہ پردیش کی حکومت کو ضروری احکامات جاری کرے۔ این جی او کے ایک شریک کار نے حال ہی میں مدھیہ پردیش کے ضلع کھجوراہو کے سرکاری اسکولوں کا جائزہ بھی لیا ہے۔