کالینا، ممبئی میں منگل کو ایئرانڈیا پورٹ سروس لمیٹڈ (اے آئی اے ایس ایل) کی جانب سے ہینڈی مین اور یوٹیلیٹی ایجنٹس کے عہدوں کیلئے ۱۸۰۰؍ اسامیوں کیلئے ۱۵؍ ہزار امیدوار جمع ہوئے تھے۔ اس دوران علاقے میں افراتفری پھیل گئی۔ ایوی ایشن انڈسٹری امپلوائے گلڈ کے جنرل سیکریٹری ابرام نے دعویٰ کیا کہ ’’انٹرویو کیلئے کل ۵؍ لاکھ امیدوار جمع ہوئے تھے۔ یہ اس بات کی جانب نشاندہی ہے کہ ہمارے ملک میں بے روزگاری کی شرح کس حد تک بڑھ گئی ہے۔‘‘

ممبئی کے کالینا، سانتاکروز میں منگل کو ایئر انڈیا ایئرپورٹ سروس لمیٹڈ (اے آئی اے ایس ایل) کی جانب سے منعقد کئے گئے انٹرویو کیلئے ملازمتوں کے متلاشی سیکڑوں افراد جمع ہوئے تھے۔ اطلاعات کے مطابق ایئر انڈیا کی ہینڈیمین اور یوٹیلیٹی ایجنٹ کی پوسٹ کیلئے ایک ہزار ۸۰۰؍ویکینسیوں کیلئے ۱۵؍ ہزارافراد جمع ہوئے تھے۔

Stampede-like situation in #Mumbai Kalina, after 25,000 people showed up for a walk-in interview at Air India Airport Services Ltd. #Watch

As the situation went out of control, the applicants were asked to deposit their resumes and leave the spot, said officials #AirIndia… pic.twitter.com/pUqGXZA4JQ

— Mirror Now (@MirrorNow) July 17, 2024

محدود ویکنسی ہونے کے باوجود ریکوائرمنٹ آفس کے باہر ملازمت کیلئے لوگوں کا ہجوم تھا۔ حالات کو قابو کرنے کیلئے لوگوں سے کہا گیا کہ وہ اپنا ریزیومے جمع کریں اوریہاں سے جائیں۔

یہ بھی پڑھئے: غزہ میں غیر قانونی اسلحہ کا استعمال،۲؍ دنوں میں ۳۲۰؍ جاں بحق

اس ضمن میں ایوی ایشن انڈسٹری امپلوائے گلڈ کے جنرل سیکریٹری ابرام نے بتایا کہ ’’تقرری کا عمل خراب ہو گیا تھا اور دعویٰ کیا کہ ۵؍ لاکھ ملازمت کے متلاشی امیدوار جاب انٹرویو کیلئے جمع ہوئے تھے۔ انہوں نے انڈیا ٹوڈے کو بتایا کہ میرے ذرائع کے مطابق انٹرویوکیلئے ۵؍ لاکھ نوجوان جمع ہوئے تھے۔ ہم نے کمپنی کو اس طرح کی ڈرائیو کے خلاف متنبہ بھی کیا تھا۔ ملازمت کے متلاشی افراد کی ایک کلومیٹر لمبی قطارلگی تھی۔‘‘

یہ بھی پڑھئے: جیتن سہنی قتل معاملہ: اپوزیشن لیڈران کی بہارحکومت پر تنقید،کارکردگی پر سوال قائم کئے

ہمارے پاس ایک ہزار ۷۸۶؍ ہینڈی مین کے عہدے کی ویکنسی تھیں اور ۱۶؍ یوٹیلیٹی ایجنٹس کی۔ یہ منظر ملک میں بے روزگاری کی بڑھتی شرح کی جانب نشاندہی کرتا ہے۔ ایک طرف یونین کا دعویٰ ہے کہ انٹرویو کیلئے ۵؍ لاکھ امیدوار جمع ہوئے تھے وہیں اے آئی اے ایس ایل کے سی ای او رام بابو چنتا چیروو نے بتایا کہ ایپلی کیشن فارم جمع کرنے کیلئے ۱۵؍ ہزارافراد آئے تھے۔خیال رہے کہ یہ واقعہ اس وقت سامنے آیا ہے جب گجرات کے ایک پرائیویٹ فرم میں انٹرویو کیلئے بڑے پیمانے پر امیدوار جمع ہوئے تھے۔