دھاراوی، ممبئی کے ایک علاقے میں اس وقت تنازعے پھیل گیا جب مقامی محبوب سبحانی مسجدکے ایک حصے کو غیر قانونی بتا کر منہدم کرنے کی کوشش کی گئی۔ مقامی شہریوں کی مداخلت کے بعد بی ایم سی کو کارروائی روکنی پڑی۔ بی ایم سی حکام کے مطابق پولیس نے جائے وقوع پر پہنچ کر حالات کو قابو کر لیا تھا۔

دھاراوری، ممبئی کے ایک علاقے میں اس وقت تنازعے پھیل گیا جب شہری انتظامیہ کے اہلکار محبوب سبحانی مسجد کے ایک حصے کو غیر قانونی بتاکر منہدم کرنے کیلئے پہنچ گئے تھے۔

یہ بھی پڑھئے: خوردنی تیل کی قیمت میں اضافہ

برہن ممبئی میونسپل کارپوریشن (بی ایم سی) جب مسجد کے پاس پہنچی تو مقامی شہریوں نے بی ایم سی کی انہدامی گاڑی کو گھیر لیا تھااور انہوں نے بی ایم سی کو مسجد کے حصے کو منہدم کرنے سے روکا۔ مسلم طبقے نے محبوب سبحانی مسجد کے انہدام کی سخت مخالف کی ہے۔

دھاراوی میں محبوب سبحانی مسجد کے ایک حصہ کو ’غیر قانونی‘ بتا کر منہدم کرنے پہنچی بی ایم سی، مقامی افراد کا شدید احتجاج، علاقے میں کشیدگی#InquilabNews #NewsUpdate #Mumbai #Dharavi #BMC #MehboobESubhaniMasjid pic.twitter.com/V68kiyInZ1

— The Inquilab - انقلاب (@theinquilabin) September 21, 2024

ہجوم نے بی ایم سی کی اس گاڑی پر حملہ کیا جو انہدامی کارروائی کیلئے لائی گئی تھی جس کے نتیجے میں بی ایم سی کی دونوں گاڑیاں توڑ پھوڑ دی گئی ہیں۔مقامی شہریوں نے سڑک پر جمع ہوکر سڑک کو بلاک کر دیا تھا۔ انہوں نے الزام عائد کیا ہےکہ مسجد کا وہ حصہ، جسے بی ایم سی منہدم کرنا چاہتی ہے، نیا نہیں ہے لیکن گزشتہ کچھ ماہ سےاس کی تعمیر جاری ہے۔ 

Tension prevailed in #Mumbai`s #Dharavi slum on Saturday after hundreds of local residents gathered on a road and opposed the Brihanmumbai Municipal Corporation`s plan to pull down an alleged illegal portion of a mosque.

A large number of police personnel have been deployed… pic.twitter.com/UxfPBdijSI

— Hate Detector 🔍 (@HateDetectors) September 21, 2024

مقامی شہریوں نے میڈیا سے بات چیت کرتے ہوئے تشویش کااظہار کیا اور کہا کہ شہری انتظامیہ نے اتنے دنوں سے اس پر کوئی دھیان نہیں دیا تو اب کیوں مسجد کے ایک حصے کو منہدم کرنا چاہتی ہے؟ بی ایم سی کے حکام نے کہا ہے کہ ’’ حالات اب قابو میں ہیں کیونکہ مقامی شہری، جن میں ہندو اور مسلمان شامل ہیں، جائے وقوع پر امن برقرار رکھنے کیلئے پہنچ گئے تھے۔ پولیس کی فوری مداخلت کے سبب حالات اب قابو میں ہیں۔‘‘